Mga Salmo 99:1-9
99 Hi Jehova nagin Hadi.+ Mangurog an mga katawohan.
Nalingkod hiya ha trono ha bawbaw* han mga kerubin.+ Mabay-og an tuna.
2 Hi Jehova harangdon didto ha Zion,Ngan hitaas hiya ha ngatanan nga mga katawohan.+
3 Magdayaw hira han imo harangdon nga ngaran,+Kay urusahon gud ito ngan baraan.
4 Gamhanan hiya nga hadi nga nahigugma han hustisya.+
Marig-on nga gin-establisar mo kon ano an husto.
Ginpahinabo mo an hustisya ngan katadongan+ ha Jacob.
5 Pasidunggi hi Jehova nga aton Dios+ ngan yukbo* ha atubangan han tungtongan han iya mga tiil;+Baraan hiya.+
6 Duha han iya mga saserdote amo hira Moises ngan Aaron,+Ngan hi Samuel usa han mga natawag han iya ngaran.+
Natawag hira kan Jehova,Ngan hiya nabaton ha ira.+
7 Nagyayakan hiya ha ira tikang ha harigi nga dampog.+
Ira ginsunod an iya mga pahinumdom ngan an sugo nga iya iginhatag ha ira.+
8 O Jehova nga amon Dios, ginbaton mo hira.+
Ikaw usa nga Dios nga nagpasaylo ha ira,+Pero ikaw nagsirot* ha ira tungod han ira makasasala nga mga buhat.+
9 Pasidunggi hi Jehova nga aton Dios+
Ngan yukbo* ha atubangan han iya baraan nga bukid,+Kay hi Jehova nga aton Dios baraan.+
Mga footnote
^ O posible nga “butnga.”
^ O “pagsingba.”
^ Lit., “nagpadapat hin pagbulos kontra.”
^ O “pagsingba.”
