Mga Salmo 47:1-9
Para ha direktor. Salmo han mga anak ni Kora.+ Usa nga kanta.
47 Kamo ngatanan nga katawohan, pagpakpak kamo.
Guliat tungod han kadaogan ngadto ha Dios upod an malipayon nga mga pagsinggit.
2 Kay hi Jehova nga Gihitaasi urusahon gud;*+
Hiya an harangdon nga Hadi ha bug-os nga tuna.+
3 An mga katawohan iya iginpapasakop ha aton;An mga nasud iya iginbubutang ha ilarom han aton mga tiil.+
4 Hiya an nagpipili para ha aton han panurundon naton,+An pagpahitaas ni Jacob nga iya hinigugma.+ (Selah)
5 An Dios sinaka samtang may malipayon nga pagsinggit;Hi Jehova sinaka samtang nagtutunog an sungay.*
6 Pagkanta hin mga pagdayaw* ha Dios, pagkanta hin mga pagdayaw.
Pagkanta hin mga pagdayaw ha aton Hadi, pagkanta hin mga pagdayaw.
7 Kay an Dios Hadi ha bug-os nga tuna;+Pagkanta hin mga pagdayaw, ngan pagpakita hin hilarom nga pagsabot.
8 An Dios nagin Hadi han mga nasud.+
An Dios nalingkod ha iya baraan nga trono.
9 An mga lider han mga katawohan nagkatirok
Upod han katawohan han Dios ni Abraham.
Kay an mga magmarando* ha tuna kanan Dios.
Hitaas gud hiya hinduro.+
Mga footnote
^ O “nakakaaghat hin hilarom nga respeto nga may kahadlok.”
^ O “sungay han karnero nga lalakí; trumpeta.”
^ O “Pagkanta nga ginduduyogan hin mga instrumento.”
^ Lit., “mga taming.”
