An Biblia nagsusulod han mensahe o pulong han Dios para ha aton yana. Iginpapakita hito kon paonan-o magigin malampuson an aton kinabuhi ngan kon paonan-o makakarawat an pag-uyon han Dios. ­Ginbabaton liwat hito an masunod nga mga pakiana:

An Biblia usa nga koleksyon han 66 nga gudtiay nga libro. Ginbahin ito ha duha nga seksyon: an Hebreo-Aramaico nga Kasuratan (“Daan nga Tugon”) ngan an Griego nga Kasuratan (“Bag-o nga Tugon”). An tagsa nga libro han Biblia ginbahin ha mga kapitulo ngan mga bersikulo. Kon nag-uunabi hin mga teksto, an siyahan nga numero katapos han ngaran han libro amo an kapitulo, ngan an sunod nga numero o mga numero amo an bersikulo o mga bersikulo. Pananglitan, an Genesis 1:1 nagtutudlok ha Genesis kapitulo 1, bersikulo 1.