Mga Salmo 86:1-17
Pag-ampo ni David.
86 Ikiling an imo talinga,* O Jehova, ngan batona ako,Kay ako nag-aantos ngan pobre.+
2 Bantayi an akon kinabuhi,* kay ako maunungon.+
Talwasa an imo surugoon nga nasarig ha imo,Kay ikaw an akon Dios.+
3 Ipakita ha akon an imo pagkabuotan, O Jehova,+Kay ako natawag ha imo ha bug-os nga adlaw.+
4 Parayhaka an imo surugoon,*O Jehova, kay ha imo ako nadangop.*
5 Kay ikaw, O Jehova, maopay+ ngan andam magpasaylo;+Hura ka han maunungon nga gugma ha ngatanan nga natawag ha imo.+
6 O Jehova, pamatii an akon pag-ampo;Ngan tagi hin atensyon an akon mga pakimalooy para hin bulig.+
7 Natawag ako ha imo ha adlaw han akon kasakitan,+Kay ikaw mabaton ha akon.+
8 Waray pariho ha imo dida ha mga dios, O Jehova,+Waray mga buhat nga pariho han imo mga buhat.+
9 An ngatanan nga nasud nga imo ginhimo
Maabot ngan mayukbo ha imo atubangan, O Jehova,+Ngan ira paghihimayaon an imo ngaran.+
10 Kay ikaw gamhanan ngan nagbubuhat hin urusahon nga mga butang;+Ikaw an Dios, ikaw gud la.+
11 Tutdui ako, O Jehova, mahitungod han imo dalan.+
Maglalakat ako uyon ha imo kamatuoran.+
Pag-usaha an akon kasingkasing* basi magkaada ako kahadlok ha imo ngaran.+
12 O Jehova nga akon Dios, bug-os-kasingkasing nga gindadayaw ko ikaw,+Ngan paghihimayaon ko an imo ngaran ha kadayonan,
13 Kay daku an imo maunungon nga gugma ha akon,Ngan imo gintalwas an akon kinabuhi* tikang ha kahiladman han Lubnganan.*+
14 O Dios, gin-aatake ako han nagpaparagbuot nga mga tawo;+Gin-iikaparatay ako* han usa nga grupo han magpintas nga mga tawo,Ngan waray hira pagtagad ha imo.*+
15 Pero ikaw, O Jehova, usa nga Dios nga maloloy-on ngan mapinairon,*Diri madagmit masina ngan hura han maunungon nga gugma ngan pagkamatinumanon.*+
16 Lingia ako ngan ipakita ha akon an imo pagkabuotan.+
Ihatag an imo kusog ha imo surugoon,+Ngan talwasa an anak han imo uripon nga babaye.
17 Pakitaa ako hin tigaman* han imo pagkamaopay,Basi an mga nangangalas ha akon makakita hito ngan mahibutang ha kaarawdan.
Kay ikaw, O Jehova, an akon parabulig ngan paraliaw.
Mga footnote
^ O “Duko ngan pamati.”
^ O “kalag.”
^ O “an kalag han imo surugoon.”
^ O “akon gin-aalsa an akon kalag.”
^ O “Tagi ako hin kasingkasing nga diri nababahin.”
^ O “kalag.”
^ O “Ginbibiling an akon kalag.”
^ O “waray ka nira ibutang ha ira atubangan.”
^ O “makonsiderasyon.”
^ O “ngan kamatuoran.”
^ O “ebidensya.”
