Mga Salmo 62:1-12

  • Tinuod nga katalwasan tikang ha Dios

    • “Ha Dios naghuhulat ako hin hilom” (1, 5)

    • ‘Isumat an aada ha iyo kasingkasing ha atubangan han Dios’ (8)

    • Mga tawo usa la nga gininhawa (9)

    • Ayaw pagsarig ha karikohan (10)

Para ha direktor han Jedutun.* Kanta ni David. 62  Oo, ha Dios naghuhulat ako* hin hilom. An akon katalwasan tikang ha iya.+   Oo, hiya an akon bato ngan an akon katalwasan, an akon talwas nga arayopan;*+ Diri gud ako mababay-og hinduro.+   Tubtob san-o niyo aatakehon an usa nga tawo basi patayon hiya?+ Kamo ngatanan sugad kadelikado han nahilig nga pader, usa nga pader nga bato nga hirani na marumpag.*   Kay nagsarabot hira nga paiwason hiya ha iya hitaas nga posisyon;Nalilipay hira ha pagbinuwa. Pinaagi han ira baba nagbibendisyon hira, pero ha sulod han ira kasingkasing nanhihimaraot hira.+ (Selah)   Oo, ha Dios naghuhulat ako hin hilom.*+ Kay an akon paglaom tikang ha iya.+   Oo, hiya an akon bato ngan an akon katalwasan, an akon talwas nga arayopan;Diri gud ako mababay-og.+   Ha Dios nadepende an akon katalwasan ngan an akon kadungganan. An Dios an akon marig-on nga bato, an akon arayopan.+   Sarig ha iya ha ngatanan nga panahon, O katawohan. Isumat an ngatanan nga aada ha iyo kasingkasing ha iya atubangan.+ An Dios an aton arayopan.+ (Selah)   An mga anak han mga tawo usa la nga gininhawa,An mga anak han katawohan diri masasarigan nga arayopan.+ Kon hira ngatanan ibubutang ha timbangan, mas magaan pa hira kay han usa la nga gininhawa.+ 10  Ayaw sarig ha pangilkil* Ngan ayaw paglaom ha iyo makukuha ha panulis. Kon magdamu an iyo karikohan, ayaw igpokus an iyo hunahuna dida hito.+ 11  Makausa an Dios nagyakan, duha ka beses nga nabatian ko ini: Nga an kusog kanan Dios.+ 12  Imo liwat an maunungon nga gugma, O Jehova,+Kay imo ginbabalosan an kada tagsa uyon ha iya mga buhat.+

Mga footnote

Kitaa an Glossary.
O “naghuhulat an akon kalag.”
O “talwas ngan hitaas nga dapit.”
O posible nga “Kamo ngatanan, sugad hiya hin nahilig nga pader, usa nga pader nga bato nga hirani na marumpag.”
O “paghulat hin hilom, O akon kalag.”
Karuyag sidngon, pangaro nga may panarhog o pamirit.