Mga Salmo 60:1-12

  • Ginsasakop han Dios an mga kaaway

    • Katalwasan pinaagi han mga tawo waray kapulsanan (11)

    • “Pinaagi ha Dios magkakaada kami hin gahum” (12)

Para ha direktor; ha tono han “An Bukad nga Liryo nga Nagpapahinumdom.” Miktam.* Salmo ni David. Para ha pagtutdo. Han nakig-away hiya ha kasundalohan han Aram-naharaim ngan ha kasundalohan han Aram-Zoba, ngan han binalik hi Joab ngan ginpatay an 12,000 nga Edomita ha Walog han Asin.+ 60  O Dios, imo kami iginsalikway; imo ginbungkag an amon mga depensa.+ Nasina ka ha amon; pero yana karawata utro kami!   Imo ginpahinabo nga mabay-og an tuna; imo ito ginbuka. Ayda an mga gutak hito, kay narurumpag ito.   Ginpahinabo mo nga mag-antos hin kakurian an imo katawohan. Ginpainom mo kami hin bino nga nakakaparadingpading ha amon.+   Paghatag* hin sinyales ha mga nahahadlok ha imoBasi makapalagiw ngan makalikay ha pana. (Selah)   Basi matalwas an imo mga hinigugma,Salbara kami pinaagi han imo too nga kamot ngan batona kami.+   An Baraan nga* Dios nagyakan: “Maglilipay gud ako, ihahatag ko an Sikem sugad nga panurundon,+Ngan akon susuklon an Walog* han Sucot.+   Akon an Gilead, sugad man an Manases,+Ngan an Efraim amo an helmet* han akon ulo;An Juda amo an akon baston han kumander.+   An Moab amo an akon surudlan nga gin-gagamit ha paghugas.+ Ha Edom akon ilalabog an akon sandalyas.+ Ha Filistia masinggit ako tungod han kadaogan.”+   Hin-o an magdadara ha akon ha ginpalibotan* nga syudad? Hin-o an maggigiya ha akon tubtob ha Edom?+ 10  Diri ba ikaw, O Dios, nga nagsalikway ha amon,An amon Dios, nga diri na naupod ha amon mga kasundalohan?+ 11  Buligi kami ha amon kasakitan,Kay an katalwasan pinaagi han mga tawo waray kapulsanan.+ 12  Pinaagi ha Dios magkakaada kami hin gahum,+Ngan iya tatamaktamakan an amon mga kaaway.+

Mga footnote

Kitaa an Glossary.
O posible nga “Naghatag ka.”
O posible nga “Ha iya baraan nga lugar an.”
O “Hamubo nga Kapatagan.”
Lit., “balwarte.”
O posible nga “pinader.”