Mga Salmo 94:1-23
94 O Jehova, ikaw an Dios nga nabulos,+O Dios nga nabulos, pagsanag!
2 Buhát, O Hukom han tuna.+
Bulsi an mga mapahitas-on han angay ha ira.+
3 Tubtob san-o an magraot, O Jehova,Tubtob san-o an magraot magpapadayon ha pagkalipay?+
4 Nagyayakan hira nga diri naghuhunahuna ngan mapahitas-on;An ngatanan nga magburuhat hin sala naghahambog mahitungod ha ira kalugaringon.
5 O Jehova, ira gindudugmok an imo katawohan,+Ngan gintatalumpigos an imo panurundon.
6 Ira ginpapatay an balo nga babaye ngan an dayo nga residente,Ngan ira ginpapatay an kabataan nga waray tatay.
7 Hira nasiring: “Diri nakikita ni Jah;+An Dios ni Jacob diri nakakapanginano hito.”+
8 Sabota ini, kamo nga waray pagsabot;Kamo nga mga diri maaramon, san-o pa kamo magpapakita hin hilarom nga pagsabot?+
9 An Dios nga naghimo* han talinga, diri ba hiya makakabati?
An Dios nga nagporma han mata, diri ba hiya makakakita?+
10 An Dios nga nagtatadong han mga nasud, diri ba hiya makakasaway?+
Hiya an Dios nga naghahatag hin kahibaro ha katawohan!+
11 Hi Jehova maaram han mga panhunahuna han mga tawo,Nga ito usa la nga gininhawa.+
12 O Jah, malipayon an tawo nga imo gintatadong,+Nga imo gintututdoan han imo balaud,+
13 Basi tagan hiya hin kamurayawan ha mga adlaw han kasakitan,Tubtob nga makaukad hin buho para ha maraot.+
14 Kay diri papabay-an ni Jehova an iya katawohan,+Diri liwat niya babayaan an iya panurundon.+
15 Kay an paghukom magigin matadong na liwat,Ngan susundon ito han ngatanan nga tangkod an kasingkasing.
16 Hin-o an makikig-away para ha akon kontra ha magraot?
Hin-o an madapig ha akon kontra ha mga magburuhat hin sala?
17 Kon diri hi Jehova an akon nagin parabulig,Namatay* unta dayon ako.*+
18 Han ako nagsiring: “An akon tiil nahitatalindas,”
An imo maunungon nga gugma, O Jehova, padayon nga binulig ha akon.+
19 Han an mga kabaraka* nagtabon ha akon,*Imo ako ginliaw ngan ginpakalma.*+
20 An trono* ba han karaotan magigin imo kaalyansaSamtang naghihimo ito hin samok ha ngaran han balaud?*+
21 Mapintas nga gin-aatake nira an usa nga matadong*+Ngan ginsisentensyahan hin kamatayon an usa nga inosente.*+
22 Pero hi Jehova an akon magigin talwas nga arayopan,*An akon Dios amo an akon bato nga arayopan.+
23 Iya ibabalik ha ira an ira magraot nga mga buhat.+
Papatayon* niya hira pinaagi han ira mismo karaotan.
Papatayon* hira ni Jehova nga aton Dios.+
Mga footnote
^ Lit., “nagbutang.”
^ O “an akon kalag.”
^ Lit., “Inukoy hin hilom.”
^ O “nakakapabaraka nga mga panhunahuna.”
^ O “nagdamu ha sulod ko.”
^ O “An imo mga pagliaw nagpakalma han akon kalag.”
^ O “mga magmarando; mga hukom.”
^ O “pinaagi hin sugo.”
^ Lit., “Ngan an dugo han inosente ira iginpapahayag nga salaan (maraot).”
^ O “an kalag han usa nga matadong.”
^ O “talwas ngan hitaas nga dapit.”
^ Lit., “Pahihilumon.”
^ Lit., “Pahihilumon.”
