Mga Salmo 92:1-15

  • Hi Jehova ginpahitaas ha kadayonan

    • An iya dagku nga mga buhat ngan hilarom nga panhunahuna (5)

    • “An magtadong mag-uuswag pariho hin kahoy” (12)

    • Mga lagas padayon nga magigin mabungahon (14)

Usa nga Salmo. Kanta para ha adlaw han Sabbath. 92  Maopay an pagpasalamat kan Jehova+ Ngan an pagkanta hin mga pagdayaw* ha imo ngaran, O Gihitaasi,   An pagpasamwak han imo maunungon nga gugma+ ha aga Ngan han imo pagkamatinumanon durante han mga gab-i,   Nga ginduduyogan hin instrumento nga napulo an kwerdas ngan hin salteryo,*Ngan han maopay nga tunog hin arpa.+   Kay imo ako ginparayhak, O Jehova, tungod han imo mga buhat;Tungod han mga buhat han imo mga kamot, nasinggit ako hin malipayon.   Dagku gud an imo mga buhat, O Jehova!+ Hilarom gud hinduro an imo mga panhunahuna!+   An tawo nga waray pagsabot diri mahibabaro hito;Ngan an lurong nga tawo diri makakasabot hini:+   Kon an magraot manurok pariho hin mga banwa*Ngan kon an ngatanan nga magburuhat hin sala mag-uswag,Pupoohon la gihapon hira ha kadayonan.+   Pero ginpapahitaas ka ha kadayonan, O Jehova.   Oo, kitaa an kapirde han imo mga kaaway, O Jehova,Kitaa kon paonan-o mapupoo an imo mga kaaway;An ngatanan nga magburuhat hin sala magpapatsarang.+ 10  Pero imo dudugangan an akon kusog* pariho han kanan ihalas nga todo nga baka;Huhulson ko an akon panit hin nakakarepresko nga lana.+ 11  Makikita han akon mga mata an kapirde han akon mga kaaway;+Mababatian han akon mga talinga an mahitungod han kabungkag han magraot nga mga tawo nga naatake ha akon. 12  Pero an magtadong mag-uuswag pariho hin kahoy nga palmaNgan madaku pariho hin kahoy nga sedro ha Lebanon.+ 13  Igintanom ito ha balay ni Jehova;Nag-uuswag ito ha mga bungsaran han aton Dios.+ 14  Bisan ha kalagas* magigin mabungahon pa gihapon hira;+Magpapabilin hira nga magkusog* ngan maghimsog,+ 15  Nagpapasamwak nga hi Jehova matadong. Hiya an akon Bato,+ an pagin diri matadong waray ha iya.

Mga footnote

O “pagkanta nga ginduduyogan hin mga instrumento.”
Usa nga klase hin instrumento nga may kwerdas.
O “sighot.”
Lit., “pahihitas-on an akon sungay.”
O “durante han pagkaubanon.”
Lit., “magtambok.”