Mga Salmo 108:1-13
Usa nga Salmo. Kanta ni David.
108 An akon kasingkasing marig-on, O Dios.
An akon bug-os nga pagkatawo* magkakanta ha imo nga ginduduyogan hin mga instrumento.+
2 Pagmata, O instrumento nga may kwerdas; ikaw liwat, O arpa.+
Akon pupukawon an maagahon.
3 Dadayawon ko ikaw dida ha mga katawohan, O Jehova,Ngan magkakanta ako hin mga pagdayaw* ha imo dida ha mga nasud.
4 Kay an imo maunungon nga gugma daku gud, sugad kahitaas han langit,+Ngan an imo pagkamatinumanon, tubtob ha kalangitan.
5 O Dios, pahitas-on mo unta an imo kalugaringon ha igbaw han langit;Hinaot an imo himaya mahingada ha bawbaw han bug-os nga tuna.+
6 Basi masalbar an imo mga hinigugma,Talwasa kami pinaagi han imo too nga kamot ngan batona ako.+
7 An Baraan nga* Dios nagyakan:
“Maglilipay gud ako, ihahatag ko an Sikem+ sugad nga panurundon,Ngan akon susuklon an Walog* han Sucot.+
8 Akon an Gilead,+ sugad man an Manases,Ngan an Efraim amo an helmet* han akon ulo;+An Juda amo an akon baston han kumander.+
9 An Moab amo an akon surudlan nga gin-gagamit ha paghugas.+
Ha Edom akon ilalabog an akon sandalyas.+
Ha Filistia masinggit ako tungod han kadaogan.”+
10 Hin-o an magdadara ha akon ha pinader nga syudad?
Hin-o an maggigiya ha akon tubtob ha Edom?+
11 Diri ba ikaw, O Dios, nga nagsalikway ha amon,An amon Dios, nga diri na naupod ha amon mga kasundalohan?+
12 Buligi kami ha amon kasakitan,+Kay an katalwasan pinaagi han mga tawo waray kapulsanan.+
13 Pinaagi ha Dios magkakaada kami hin gahum,+Ngan iya tatamaktamakan an amon mga kaaway.+
Mga footnote
^ Lit., “Bisan an akon himaya.”
^ O “magkakanta ako nga ginduduyogan hin mga instrumento.”
^ O posible nga “Ha iya baraan nga lugar an.”
^ O “Hamubo nga Kapatagan.”
^ Lit., “balwarte.”
