Mga Salmo 137:1-9
137 Ha ligid han mga salog han Babilonya,+ didto kami nangalingkod.
Nagtangis kami han nahinumdoman namon an Zion.+
2 Ha alamo nga mga kahoy ha butnga niya,*Amon iginsab-ong an amon mga arpa.+
3 Kay didto ginpakanta kami han mga nagbihag ha amon,+An mga nagmiminos ha amon karuyag nga himoon kami nga pataraw-an:
“Kantahi kami hin usa han mga kanta ha Zion.”
4 Paonan-o kami makakagkanta hin kanta kan JehovaHa iba nga nasud?
5 Kon kakalimtan ko ikaw, O Jerusalem,Magin limtanon* unta an akon too nga kamot.+
6 Dumukot unta an akon dila ha akon ngalangalaKon diri ko ikaw hinumdoman,Kon an Jerusalem diri ko ibutang nga labawHan akon pinakadaku nga mga hinungdan ha pagrayhak.+
7 Hinumdumi, O Jehova,An ginsiring han mga Edomita ha adlaw nga ginbungkag an Jerusalem:
“Gubaa ito! Gubaa ito tubtob ha mga pundasyon hito!”+
8 O anak nga babaye han Babilonya, nga hirani na bungkagon,+Malilipay hiya nga maninimalos ha imoHan imo pagtratar nga ginhimo ha amon.+
9 Malilipay hiya nga magdadakop han imo mga anakNgan magpupusak ha ira ngada ha mga bato.+
