Mga Salmo 90:1-17
Pag-ampo ni Moises, an surugoon han tinuod nga Dios.+
90 O Jehova, ikaw an amon urukyan*+ ha ngatanan nga henerasyon.
2 Antes pa matawo an kabukiranO antes mo himoon* an tuna ngan an mabungahon nga tuna,+Tikang ha waray tinikangan tubtob ha waray kataposan, ikaw an Dios.+
3 Imo iginbabalik ha tapotapo an mortal nga tawo;Ikaw nasiring: “Balik, kamo nga mga anak han mga tawo.”+
4 Kay ha imo pagkita an usa ka yukot ka tuig sugad la hin kakulop* kon naglabay na ito,+Sugad la hin usa nga pagbantay ha gab-i.
5 Imo hira gintatapos dayon;+ nagin sugad hira hin pagkaturog la;Ha aga pariho hira hin banwa nga naturok.+
6 Ha aga namumukad ito ngan nananaringsing,Pero ha gab-i nalalaya ito ngan nauuga.+
7 Kay nauubos kami tungod han imo kasina+
Ngan nahahadlok gud tungod han imo kapungot.
8 Iginbubutang mo an amon mga sayop ha imo atubangan;*+
An amon mga sekreto naibubuhayhag pinaagi han lamrag han imo nawong.+
9 An amon mga adlaw naiibanan* tungod han imo kapungot;Ngan an amon mga tuig natatapos pariho hin huring.*
10 An kahilawig han amon kinabuhi 70 ka tuig,O 80+ ka tuig kon an usa makusog hinduro.*
Pero puno ito hin kakurian ngan kasub-anan;Madagmit ito nga nalabay, ngan nawawara na kami.+
11 Hin-o an makakatugkad han gahum han imo kasina?
An imo kapungot pariho kadaku han kahadlok nga angay para ha imo.+
12 Tutdui kami ha pag-ihap han amon mga adlaw+Basi magkaada kami hin maaramon nga kasingkasing.
13 Balik, O Jehova!+ Tubtob san-o ini magpapadayon?+
Malooy ka ha imo mga surugoon.+
14 Ha aga tagbawa kami han imo maunungon nga gugma,+Basi makasinggit kami hin malipayon ngan magrayhak+ ha ngatanan namon nga adlaw.
15 Parayhaka kami katugbang han mga adlaw nga imo kami ginpaantos,+Pariho kadamu han mga tuig nga nakaeksperyensya kami hin kasakitan.+
16 Hinaot makita han imo mga surugoon an imo ginbubuhat,Ngan hinaot makita han ira mga anak an imo kadungganan.+
17 Hinaot makarawat namon an pag-uyon ni Jehova nga amon Dios;Hinaot imo tagan hin kalamposan* an buhat han amon mga kamot.
Oo, tagi hin kalamposan* an buhat han amon mga kamot.+
Mga footnote
^ O posible nga “amon arayopan.”
^ O “ig-anak nga sugad hin may mga kaul-ol ha pagbatî.”
^ Ha iba nga lugar, “kahapon.”
^ O “Maaram ka han amon mga sayop.”
^ O “An amon kinabuhi naiibanan.”
^ O “hin panhayhay.”
^ O “tungod han talagsahon nga kusog.”
^ O “marig-on nga ig-establisar.”
^ O “marig-on nga ig-establisar.”
