Mga Salmo 132:1-18
Kanta ha Pagsagka.
132 O Jehova, hinumdumi hi DavidNgan an ngatanan niya nga pag-antos;+
2 Kon paonan-o hiya nanumpa kan Jehova,Kon paonan-o hiya nagsaad ha Gamhanan nga Dios han Jacob:+
3 “Diri ako masulod ha akon tolda, ha akon balay.+
Diri ako mahigda ha akon katre, ha akon higdaan;
4 Diri ko papakaturugon an akon mga mata,Diri ko liwat ipipiyong an akon mga lukaplukap
5 Tubtob nga makabiling ako hin lugar para kan Jehova,Usa nga maopay nga urukyan* para ha Gamhanan nga Dios han Jacob.”+
6 Kitaa! Nabatian namon an mahitungod hito ha Efrata;+Naagian namon ito ha kapatagan han kagurangan.+
7 Kadto kita ha iya urukyan;*+
Yukbo kita ha tungtongan han iya mga tiil.+
8 Buhát, O Jehova, kadto ha imo lugar nga pahuwayan,+Ikaw ngan an Arka nga simbolo han imo kusog.+
9 Hinaot an imo mga saserdote masul-otan hin katadongan,Ngan hinaot an mga maunungon ha imo magsinggit hin malipayon.
10 Tungod kan David nga imo surugoon,Ayaw igsalikway an* imo dinihogan.+
11 Hi Jehova nanumpa kan David;Sigurado nga diri niya babawion an iya pulong:
“An usa han imo mga tulin,*Ibubutang ko ha imo trono.+
12 Kon an imo mga anak magsunod han kasabotan nga akon ginhimoNgan han mga pahinumdom nga igintutdo ko ha ira,+An ira liwat mga anakMalingkod ha imo trono ha kadayonan.”+
13 Kay ginpili ni Jehova an Zion;+Ginhingyap niya ito nga magin iya urukyan:+
14 “Ini an akon lugar nga pahuwayan ha kadayonan;Dinhi ako maukoy,+ kay ini an akon hingyap.
15 Hura nga bibendisyonan ko ito hin mga suplay han pagkaon;An mga pobre dida hito akon bubusugon hin tinapay.+
16 An mga saserdote hito akon susul-otan hin katalwasan,+Ngan an mga maunungon dida hito masinggit hin malipayon.+
17 Didto akon dudugangan an kusog* ni David.
Nag-andam ako hin lampara para ha akon dinihogan.+
18 Akon susul-otan hin kaarawdan an iya mga kaaway,Pero an korona* ha iya ulo magraranggat.”+
Mga footnote
^ O “Usa nga harangdon nga tabernakulo.”
^ O “ha iya harangdon nga tabernakulo.”
^ Lit., “birika an nawong han.”
^ Lit., “han bunga han imo tagoangkan.”
^ Lit., “papatuboon an sungay.”
^ O “diadema.”
