Mga Salmo 144:1-15

  • Usa nga pag-ampo para hin kadaogan

    • ‘Ano ba an mortal nga tawo?’ (3)

    • ‘Sarangon unta an mga kaaway’ (6)

    • Katawohan ni Jehova malipayon (15)

Salmo ni David. 144  Hinaot dayawon hi Jehova nga akon Bato,+Nga nagbabansay han akon mga kamot ha pakig-away,Han akon mga tudlo ha pakiggirra.+   Hiya an nagpapakita ha akon hin maunungon nga gugma ngan an akon balwarte,An akon talwas nga arayopan* ngan akon paratalwas,An akon taming ngan an Dios nga akon ginsisirongan,+Iya iginpapasakop ha akon an mga katawohan.+   O Jehova, ano ba an tawo nga sadang mo hiya tagdon,An anak han mortal nga tawo nga sadang mo hiya hatagan hin atensyon?+   An tawo sugad la hin gininhawa;+An iya mga adlaw pariho hin nalabay nga lambong.+   O Jehova ig-ubos* an imo kalangitan ngan lusad;+Kapti an kabukiran ngan paasoha ito.+   Pagpakidlat ngan saranga an kaaway;+Itira an imo mga pana ngan samoka hira.+   Ig-unat an imo mga kamot tikang ha langit;Salbara ngan talwasa ako tikang ha mabalud nga katubigan,Tikang ha kamot* han mga dayo,+   Hira nga an mga baba nagyayakan hin mga buwaNgan nag-aalsa han ira too nga kamot basi manumpa hin buwa.*   O Dios, magkakanta ako ha imo hin bag-o nga kanta.+ Magkakanta ako hin mga pagdayaw ha imo, nga ginduduyogan hin instrumento nga napulo an kwerdas, 10  Ngadto ha Dios nga naghahatag hin kadaogan* ha mga hadi,+Hiya nga nagtatalwas han iya surugoon nga hi David tikang ha nakakamatay nga espada.+ 11  Salbara ngan talwasa ako tikang ha kamot han mga dayo,Hira nga an mga baba nagyayakan hin mga buwaNgan nag-aalsa han ira too nga kamot basi manumpa hin buwa. 12  Katapos, an amon mga anak nga lalaki magigin pariho hin gudtiay nga mga tanom nga madagmit tumubo,An amon mga anak nga babaye pariho hin mga harigi ha eskina nga gin-ukitan para ha usa nga palasyo. 13  An amon mga bodega magsasap-ay han ngatanan nga klase hin produkto;An amon mga hayop ha amon mga uma magdadamu hin yinukot, hin tinagnapuplo ka yukot. 14  An amon mga baka nga burod, diri maaaksidente* o mapupunitan;Waray mangangaraba tungod han kasakitan ha amon mga plasa. 15  Malipayon an katawohan nga sugad hito an kahimtang! Malipayon an katawohan nga an Dios hi Jehova!+

Mga footnote

O “talwas ngan hitaas nga dapit.”
O “padukoa.”
O “pagkapot.”
Lit., “Ngan an ira too nga kamot usa nga too nga kamot han kabuwaan.”
O “katalwasan.”
O “mabuburitan.”