Mga Salmo 148:1-14

  • Ngatanan nga linarang magdadayaw kan Jehova

    • “Dayawa hiya, kamo ngatanan nga iya mga anghel” (2)

    • ‘Dayawa hiya, adlaw, bulan, ngan mga bitoon’ (3)

    • Batan-on ngan lagas magdadayaw ha Dios (12, 13)

148  Dayawa hi Jah!* Dayawa hi Jehova, kamo nga aada ha langit;+Dayawa hiya, kamo nga aada ha kahitas-an.   Dayawa hiya, kamo ngatanan nga iya mga anghel.+ Dayawa hiya, kamo ngatanan nga iya hugpo.+   Dayawa hiya, adlaw ngan bulan. Dayawa hiya, kamo ngatanan nga nagraranggat nga bitoon.+   Dayawa hiya, O gihitaasi nga mga langit*Ngan kamo nga katubigan ha igbaw han mga langit.   Pagdayawon nira an ngaran ni Jehova,Kay nagsugo hiya, ngan nagkalalarang hira.+   Gin-establisar niya ito nga magpadayon ha kadayonan, oo ha kadayonan;+Naghatag hiya hin balaud nga diri mawawara.+   Dayawa hi Jehova, kamo nga aada ha tuna,Kamo nga dagku nga mga linarang ha dagat ngan ngatanan nga hilarom nga katubigan,   Kamo nga mga kidlat ngan uran nga yelo, niebe ngan magdakmol nga mga dampog,Ikaw nga makusog gud nga hangin nga nagtutuman han iya pulong,+   Kamo nga kabukiran ngan kamo ngatanan nga kabungtoran,+Kamo nga mga kahoy nga namumunga ngan kamo ngatanan nga kahoy nga sedro,+ 10  Kamo nga ihalas nga mga hayop+ ngan kamo ngatanan nga inataman nga hayop,Kamo nga nagkakamang nga mga linarang ngan mga tamsi nga may pako, 11  Kamo nga mga hadi ha tuna ngan kamo ngatanan nga nasud,Kamo nga mga prinsipe ngan kamo ngatanan nga hukom ha tuna,+ 12  Kamo nga batan-on nga mga lalaki ngan batan-on nga mga babaye,*Kamo nga lagas nga mga lalaki upod na an mga batan-on.* 13  Pagdayawon nira an ngaran ni Jehova,Kay an iya gud la ngaran an gihitaasi ha ngatanan.+ An iya pagkaharangdon labaw pa han tuna ngan langit.+ 14  Iya dudugangan an kusog* han iya katawohan,Para ha kadayawan han ngatanan nga maunungon ha iya,Han mga anak ni Israel, an katawohan nga duok ha iya. Dayawa hi Jah!*

Mga footnote

O “Hallelujah!” “Jah” an ginpahalipot nga porma han ngaran nga Jehova.
Lit., “mga langit han mga langit.”
Lit., “mga birhen.”
O “mga lagas upod an mga batan-on.”
Lit., “pahihitas-on an sungay.”
O “Hallelujah!” “Jah” an ginpahalipot nga porma han ngaran nga Jehova.