Mga Salmo 61:1-8
-
An Dios marig-on nga torre kontra ha mga kaaway
-
“Magigin bisita ako ha imo tolda” (4)
-
Para ha direktor; duduyogan han mga instrumento nga may kwerdas. Salmo ni David.
61 Pamatii, O Dios, an akon pangaraba para hin bulig.
Paghatag hin atensyon ha akon pag-ampo.+
2 Tikang ha mga sidsid han tuna mangangaraba ako ha imo
Kon an akon kasingkasing nawawarayan hin paglaom.*+
Giyahi ako ngadto ha bato nga mas hitaas ha akon.+
3 Kay ikaw an akon arayopan,Usa nga marig-on nga torre nga nagpapanalipod ha akon tikang ha kaaway.+
4 Magigin bisita ako ha imo tolda ha kadayonan;+Maayop ako ha ilarom han imo mga pako.+ (Selah)
5 Kay ikaw, O Dios, nakabati han akon mga saad.
Gintagan mo ako han panurundon nga para ha mga may kahadlok ha imo ngaran.+
6 Dudugangan mo hin mga adlaw an kinabuhi* han hadi,+Ngan an iya mga tuig magpapadayon samtang nalabay an mga henerasyon.
7 Hiya malingkod ha trono* ha kadayonan ha atubangan han Dios;+Ihatag ha iya* an maunungon nga gugma ngan pagkamatinumanon, basi magpanalipod ini ha iya.+
8 Katapos, magkakanta ako hin mga pagdayaw* ha imo ngaran ha kadayonan+
Samtang gintutuman ko an akon mga saad kada adlaw.+
Mga footnote
^ O “nanluluya.”
^ Lit., “mga adlaw.”
^ O “maukoy.”
^ O “Sugoa.”
^ O “magkakanta ako nga ginduduyogan hin mga instrumento.”
