Mga Salmo 36:1-12

  • Maunungon nga gugma han Dios presyoso

    • An maraot diri nahadlok ha Dios (1)

    • Dios, gintitikangan han kinabuhi (9)

    • “Pinaagi han imo kalamrag nakikita namon an kalamrag” (9)

Para ha direktor. Salmo ni David nga surugoon ni Jehova. 36  An pagtalapas nagyayakan ha sulod han kasingkasing han usa nga maraot;Waray hiya kahadlok ha Dios.+   Kay hitaas hinduro an iya pagkita ha iya kalugaringon,Diri niya nakikita an iya sayop basi kangalasan ito.+   An mga pulong han iya baba nakakadaot ngan nakakalimbong;Waray hiya hilarom nga pagsabot para magbuhat hin maopay.   Bisan ha iya higdaan nagpaplano hiya hin nakakadaot. Natindog hiya ha aragian nga diri maopay;Diri niya ginsasalikway an maraot.   O Jehova, an imo maunungon nga gugma naabot tubtob ha langit,+An imo pagkamatinumanon naabot tubtob ha mga dampog.   An imo pagkamatadong pariho hin higtaas nga kabukiran;*+ An imo mga paghukom pariho hin haluag ngan hilarom nga katubigan.+ An tawo ngan hayop imo ginpapanalipdan,*O Jehova.+   Presyoso gud an imo maunungon nga gugma, O Dios!+ Ha lambong han imo mga pako,Naayop an mga anak han mga tawo.+   Nainom hira tubtob nga matagbaw han kahuraan* han imo balay,+Ngan imo hira ginpapainom ha nag-aawas nga katubigan han imo kalipay.+   Ikaw an gintitikangan han kinabuhi;+Pinaagi han imo kalamrag nakikita namon an kalamrag.+ 10  Padayon nga ipakita an imo maunungon nga gugma ha mga nakilala ha imo,+Ngan an imo pagkamatadong, ha tangkod an kasingkasing.+ 11  Ayaw pabay-i nga tamakan ako han tiil han mga mapahitas-on O paiwason ako han kamot han magraot. 12  Didto nagkatutumba an mga magburuhat hin sala;Nagkapupulikwang hira ngan diri na nakakabuhát.+

Mga footnote

Lit., “pariho hin kabukiran han Dios.”
O “gintatalwas.”
Lit., “han katambok.”