Mga Salmo 42:1-11
Para ha direktor. Maskil* han mga anak ni Kora.+
42 Pariho hin bugsok nga naghihingyap han mga sapa,Sugad hito an akon paghingyap* ha imo, O Dios.
2 Gin-uuhaw gud ako* ha Dios, ha buhi nga Dios.+
San-o daw la ako makakaabot ngan makakaatubang ha Dios?+
3 An akon mga luha amo an akon pagkaon ha adlaw ngan gab-i;Ha bug-os nga adlaw gintatamay ako han mga tawo: “Hain an imo Dios?”+
4 Akon nahinunumdoman ini nga mga butang, ngan ipapahayag ko an ngatanan nga akon inaabat,*Kay naglakat ako hadto kaupod han kadam-an;Hadto pormal* nga nalakat ako ha ira unahan tipakadto ha balay han Dios,Nga may aringasa han pagrayhak ngan pagpasalamat,Han damu nga tawo nga nagsiselebrar hin piyesta.+
5 Kay ano nga masurub-on ako?*+
Kay ano nga naabat ako hin kabaraka?
Paghulat ha Dios,+Kay dadayawon ko pa hiya sugad nga akon Harangdon nga Paratalwas.+
6 Dios ko, nasusubo ako.*+
Salit nahinunumdom ako ha imo,+Tikang ha tuna han Jordan ngan ha mga pungkay han Hermon,Tikang ha Bukid Misar.*
7 An hilarom nga katubigan natawag ha hilarom nga katubiganPinaagi han haganas han imo mga busay.
An ngatanan mo nga dagku nga balud pinusak ha akon.+
8 Ha adlaw ihahatag ha akon ni Jehova an iya maunungon nga gugma,Ngan ha gab-i magkakanta ako mahitungod ha iya—usa nga pag-ampo ha Dios han akon kinabuhi.+
9 Masiring ako ha Dios, nga akon daku nga bato:
“Kay ano nga ginkalimtan mo ako?+
Kay ano nga naglilinakat ako nga masurub-on tungod han pagtalumpigos han akon kaaway?”+
10 Pinaagi han makamaratay nga pagkontra,* gintatamay ako han akon mga kaaway;Ha bug-os nga adlaw ira ako gintatamay: “Hain an imo Dios?”+
11 Kay ano nga masurub-on ako?*
Kay ano nga naabat ako hin kabaraka?
Paghulat ha Dios,+Kay dadayawon ko pa hiya sugad nga akon Harangdon nga Paratalwas ngan akon Dios.+
Mga footnote
^ O “an paghingyap han akon kalag.”
^ O “An akon kalag nauuhaw.”
^ O “ihuhuwad ko an akon kalag.”
^ O “hinay-hinay.”
^ O “an akon kalag.”
^ O “an akon kalag.”
^ O “ha gutiay nga bukid.”
^ O posible nga “Sugad hin gindudugmok an akon mga tul-an.”
^ O “an akon kalag.”
