Mga Salmo 17:1-15
Pag-ampo ni David.
17 Pamatii an akon pakimalooy para han hustisya, O Jehova;Tagi hin atensyon an akon pangaraba para hin bulig;Pamatii an akon pag-ampo nga ginyakan nga waray limbong.+
2 Hinaot maghimo ka hin matadong nga desisyon para ha akon;+Hinaot makita han imo mga mata an husto.
3 Imo gin-usisa an akon kasingkasing, imo ako ginpanginano ha gab-i;+Imo ako ginputli;+Imo mahibabaroan nga waray ako magplano hin bisan ano nga maraot,Ngan an akon baba waray magtalapas.
4 Mahitungod ha ginbubuhat han mga tawo,Ginlilikyan ko an mga aragian han tulisan, uyon ha mga pulong han imo mga im-im.+
5 Hinaot an akon mga pitad magpabilin dida ha imo mga dalanBasi an akon mga tiil diri mahipakdol.+
6 Natawag ako ha imo, kay mabaton ka ha akon,+ O Dios.
Ikiling an imo talinga* ha akon. Pamatii an akon mga pulong.+
7 Ipakita an imo maunungon nga gugma ha urusahon nga paagi,+O Paratalwas han mga naayop ha imo too nga kamotTikang ha mga nagrirebelde ha imo.
8 Panalipdi ako pariho han nawotawo han imo mata;+Tagoa ako ha lambong* han imo mga pako.+
9 Panalipdi ako tikang ha magraot nga naatake ha akon,Tikang ha akon mortal nga mga kaaway* nga nakapalibot ha akon.+
10 Nawad-an na hira hin pagbati;*Pinaagi han ira baba mapahitas-on nga nagyayakan hira;
11 Yana ira kita ginpapalibotan;+Namimiling hira han higayon basi kita dauton.*
12 Pariho hiya hin leon nga karuyag gud pagkuniskunison an nadakop hito,Pariho hin bata pa nga leon nga naluob samtang naghuhulat hin mabibiktima.
13 Buhát, O Jehova, atubanga hiya+ ngan pirdiha hiya;Talwasa ako* tikang ha maraot pinaagi han imo espada;
14 Talwasa ako pinaagi han imo kamot, O Jehova,Tikang ha mga tawo hini nga kalibotan,* nga an malon aanhi hini nga kinabuhi,+Adton imo ginpupuno han mag-opay nga mga butang nga imo igintatagana+Ngan nagbibilin hin panurundon ha ira damu nga anak nga lalaki.
15 Kondi para ha akon, makikita ko an imo nawong kay ako matadong;Kontento ako nga makamata ha imo presensya.*+
Mga footnote
^ O “Duko ngan pamati.”
^ Ha iba nga lugar, “dagaw.”
^ O “akon mga kaaway kontra han kalag.”
^ O “Naputos hira han ira mismo tambok.”
^ O “itumba kita ngada ha tuna.”
^ O “an akon kalag.”
^ O “sistema han mga butang.”
^ O “nga makita an imo dagway.”
