Mga Salmo 136:1-26
136 Pagpasalamat kan Jehova, kay hiya maopay;+An iya maunungon nga gugma nagpapabilin ha kadayonan.+
2 Pagpasalamat ha Dios han mga dios,+Kay an iya maunungon nga gugma nagpapabilin ha kadayonan.
3 Pagpasalamat ha Ginoo han mga ginoo,Kay an iya maunungon nga gugma nagpapabilin ha kadayonan.
4 Hiya gud la an nagbubuhat hin urusahon gud nga mga butang,+Kay an iya maunungon nga gugma nagpapabilin ha kadayonan.+
5 Maopay gud an iya pagkahimo* han langit,+Kay an iya maunungon nga gugma nagpapabilin ha kadayonan.
6 Iya iginlatag an tuna ha bawbaw han katubigan,+Kay an iya maunungon nga gugma nagpapabilin ha kadayonan.
7 Iya ginhimo an dagku nga mga kalamrag,+Kay an iya maunungon nga gugma nagpapabilin ha kadayonan,
8 An adlaw basi maglamrag ha kaadlawon,+Kay an iya maunungon nga gugma nagpapabilin ha kadayonan,
9 An bulan ngan an mga bitoon basi maglamrag kon gab-i,+Kay an iya maunungon nga gugma nagpapabilin ha kadayonan.
10 Iya ginpamatay an mga suhag ha Ehipto,+Kay an iya maunungon nga gugma nagpapabilin ha kadayonan.
11 Iya ginpagawas an Israel tikang ha butnga nira,+Kay an iya maunungon nga gugma nagpapabilin ha kadayonan,
12 Pinaagi hin gamhanan nga kamot+ ngan hin nakaunat nga butkon,Kay an iya maunungon nga gugma nagpapabilin ha kadayonan.
13 Iya gintunga* an Dagat nga Pula,+Kay an iya maunungon nga gugma nagpapabilin ha kadayonan.
14 Iya ginpaagi an Israel ha butnga hito,+Kay an iya maunungon nga gugma nagpapabilin ha kadayonan.
15 Iya iginlabog an Paraon ngan an iya kasundalohan ngadto ha Dagat nga Pula,+Kay an iya maunungon nga gugma nagpapabilin ha kadayonan.
16 Iya gin-giyahan an iya katawohan ngadto ha kamingawan,+Kay an iya maunungon nga gugma nagpapabilin ha kadayonan.
17 Iya ginpirde an bantogan nga mga hadi,+Kay an iya maunungon nga gugma nagpapabilin ha kadayonan.
18 Iya ginpamatay an gamhanan nga mga hadi,Kay an iya maunungon nga gugma nagpapabilin ha kadayonan,
19 Hi Sihon+ nga hadi han mga Amorita,Kay an iya maunungon nga gugma nagpapabilin ha kadayonan,
20 Ngan hi Og+ nga hadi han Basan,Kay an iya maunungon nga gugma nagpapabilin ha kadayonan.
21 Iya iginhatag an ira tuna sugad nga panurundon,+Kay an iya maunungon nga gugma nagpapabilin ha kadayonan,
22 Usa nga panurundon han Israel nga iya surugoon,Kay an iya maunungon nga gugma nagpapabilin ha kadayonan.
23 Nahinumdom hiya ha aton han nagsasakit kita,+Kay an iya maunungon nga gugma nagpapabilin ha kadayonan.+
24 Padayon nga gintalwas kita niya tikang ha aton mga kaaway,+Kay an iya maunungon nga gugma nagpapabilin ha kadayonan.
25 Gintatagan niya hin pagkaon an tagsa nga buhi nga linarang,*+
Kay an iya maunungon nga gugma nagpapabilin ha kadayonan.
26 Pagpasalamat ha Dios han langit,Kay an iya maunungon nga gugma nagpapabilin ha kadayonan.
