Mga Salmo 5:1-12
Para ha direktor han Nehilot.* Kanta ni David.
5 Pamatii an akon mga pulong, O Jehova;+Tagda an akon mga panhayhay.
2 Tagi hin atensyon an akon pangaraba para hin bulig,O akon Hadi ngan akon Dios, kay ha imo ako nag-aampo.
3 O Jehova, ha aga mababatian mo an akon tingog;+Ha aga ipapahayag ko ha imo an akon nababarak-an+ ngan may kaikag nga maghuhulat ako.
4 Kay ikaw diri usa nga Dios nga nalilipay han karaotan;+Waray bisan usa nga maraot nga magpapabilin kaupod mo.+
5 Waray mapahitas-on nga tawo nga matindog ha imo presensya.
Nangangalas ka ha ngatanan nga nagbubuhat hin karaotan;+
6 Bubungkagon mo an mga nagyayakan hin mga buwa.+
Hi Jehova nangangalas ha madarahog ngan malimbong nga mga tawo.*+
7 Pero masulod ako ha imo balay+ tungod han imo daku nga maunungon nga gugma;+Mayukbo ako nga naatubang ha imo baraan nga templo* tungod han matinalahuron nga kahadlok ha imo.+
8 Tugwayi ako, O Jehova, ha imo pagkamatadong tungod han akon mga kaaway;Hawani an imo dalan para ha akon.+
9 Kay waray masasarigan ha ira ginyayakan;An ira hunahuna puno hin karaotan;An ira but-ol* usa nga abrido nga lubnganan;Nag-uulog-ulog hira pinaagi han ira dila.+
10 Pero ipapahayag han Dios nga hira salaan;An ira mismo mga plano magigin hinungdan han ira kabungkagan.+
Paiwason unta hira tungod han ira damu nga pagtalapas,Kay nagrebelde hira ha imo.
11 Pero an ngatanan nga naayop ha imo magrarayhak;+Pirme hira masinggit hin malipayon.
Imo pupugngan adton karuyag magdaot ha ira,Ngan an mga nahigugma ha imo ngaran magrarayhak tungod ha imo.
12 Kay imo bibendisyonan an bisan hin-o nga matadong, O Jehova;An imo pag-uyon magpapanalipod ha ira sugad hin daku nga taming.+
Mga footnote
^ O “tawo nga nagpapaagay hin dugo ngan nanlilimbong.”
^ O “santuaryo.”
^ Ha iba nga lugar, “tutunlan.”
