Mga Salmo 143:1-12
Kanta ni David.
143 O Jehova, pamatii an akon pag-ampo;+Pamatii an akon pakimalooy para hin bulig.
Ha imo pagkamatinumanon ngan ha imo pagkamatadong, batona ako.
2 Ayaw pagdad-a an imo surugoon ngadto ha hukmanan,Kay waray buhi nga tawo nga magigin matadong ha imo atubangan.+
3 Kay ginlalanat ako* han kaaway;Iya gindugmok ngada ha tuna an akon kinabuhi.
Iya ako ginpaukoy ha kasisidman pariho hadton mag-iha na nga patay.
4 Nagluluya an akon kusog;*+
Namamanhod an akon kasingkasing ha akon sulod.+
5 Nahinunumdoman ko an mga adlaw nga maiha na nga naglabay;Ginpapamalandong ko an ngatanan nga imo ginbuhat;+Ginpamurubuot ko gud* an mga buhat han imo mga kamot.
6 Igin-uunat ko ngada ha imo an akon mga kamot ha pag-ampo;Pariho ako* hin uga nga tuna nga inuuhaw ha imo.+ (Selah)
7 O Jehova, batona dayon ako;+Nawarayan na ako hin kusog.*+
Ayaw itago an imo nawong tikang ha akon,+Kay magigin pariho ako ha mga nahingangadto ha buho.*+
8 Ha aga, pabatia ako han imo maunungon nga gugma,Kay nasarig ako ha imo.
Ipahibaro ha akon an dalan nga angay ko paglaktan,+Kay ha imo ako nadangop.*
9 O Jehova, talwasa ako tikang ha akon mga kaaway.
Naghahangyo ako han imo panalipod.+
10 Tutdui ako ha pagbuhat han imo kaburut-on,+Kay ikaw an akon Dios.
An imo espiritu maopay;Hinaot giyahan ako hito ha patag nga tuna.*
11 O Jehova, tungod han imo ngaran tipigi ako nga buhi.
Ha imo pagkamatadong, talwasa ako* tikang ha kasakitan.+
12 Ha imo maunungon nga gugma, pamataya* an akon mga kaaway;+Bungkaga an ngatanan nga naatake ha akon,*+
Kay ako imo surugoon.+
Mga footnote
^ O “an akon kalag.”
^ O “espiritu.”
^ O “Gin-aadman ko.”
^ O “an akon kalag.”
^ O “lubnganan.”
^ Lit., “espiritu.”
^ O “Kay gin-aalsa ko ha imo an akon kalag.”
^ O “ha tuna han katadongan.”
^ O “an akon kalag.”
^ Lit., “pahiloma.”
^ O “ha akon kalag.”
