Mga Salmo 28:1-9

  • Pag-ampo han salmista ginpamatian

    • ‘Hi Jehova an akon kusog ngan taming’ (7)

Salmo ni David. 28  Padayon ako nga natawag ha imo, O Jehova nga akon Bato;+Ayaw pagpakabungol ha akon. Kon padayon nga diri ka mabaton ha akon,Magigin pariho ako ha mga nahingangadto ha buho.*+   Pamatii an akon mga pakimalooy kon nangangaraba ako ha imo para hin buligSamtang gin-aalsa ko an akon mga kamot ha pag-ampo nga naatubang ha gisusuluri nga kwarto han imo santuaryo.+   Ayaw ako pagdanasa pahirayo upod han magraot, upod han mga nagbubuhat hin nakakadaot,+Han mga nagyayakan hin mga pulong ha pakigmurayaw ha ira igkasi-tawo pero maraot an aada ha ira kasingkasing.+   Bulsi hira han ira mga ginbubuhat,+Uyon ha ira magraot nga mga buhat. Bayari hira han ginbubuhat han ira mga kamot,Uyon ha ira ginhimo.+   Kay waray hira maghatag hin atensyon ha mga buruhaton ni Jehova,+Ngan ha buhat han iya mga kamot.+ Iya hira bubungkagon ngan diri hira ibabangon.   Hinaot dayawon hi Jehova,Kay iya ginpamatian an akon mga pakimalooy para hin bulig.   Hi Jehova an akon kusog+ ngan an akon taming;+Ha iya nasarig an akon kasingkasing.+ Nakarawat ko an iya bulig, ngan nagrarayhak an akon kasingkasing,Salit dadayawon ko hiya pinaagi han akon kanta.   Hi Jehova an kusog han iya katawohan;Hiya an balwarte nga naghahatag hin daku nga katalwasan ha iya dinihogan.+   Talwasa an imo katawohan, ngan bendisyoni an imo panurundon.+ Atamana* hira ngan kugosa hira ha kadayonan.+

Mga footnote

O “lubnganan.”
Kitaa an “Paraataman hin panon” ha Glossary.