Mga Salmo 40:1-17

  • Pagpasalamat ha waray kapariho nga Dios

    • Mga buhat han Dios duro kadamu para isaysay (5)

    • Mga halad diri amo an pinakaimportante ha Dios (6)

    • “An pagbuhat han imo kaburut-on amo an akon kalipay” (8)

Para ha direktor. Salmo ni David. Usa nga kanta. 40  Naglaom gud* ako kan Jehova,Ngan iya ginkiling an iya talinga* ha akon ngan ginpamatian an akon pangaraba para hin bulig.+   Iya ako ginhaw-as tikang ha naghahaganas nga buho,Tikang ha malapuyot nga lapok. Ngan iya ako ginpatamak ha daku nga bato;Iya ako ginpalakat ha matig-a nga tuna.   Katapos, nagbutang hiya hin bag-o nga kanta ha akon baba,+Usa nga kanta ha pagdayaw ha aton Dios. Damu an magkikita nga nahipapausaNgan masarig hira kan Jehova.   Malipayon an tawo nga nasarig kan JehovaNgan diri natapod ha rebelyoso o ha mga natoo ha kabuwaan.*   Damu gud nga butang an imo ginbuhat,O Jehova nga akon Dios,An imo urusahon nga mga buhat ngan an imo mga panhunahuna ha amon.+ Waray gud maipapariho ha imo;+Kon sasarihan ko nga isumat ngan ig-istorya ito,Duro ito kadamu para isaysay!+   Waray ka maghingyap* han halad nga hayop ngan iba pa nga halad,+Pero imo gin-abrihan an akon mga talinga basi makabati.+ Waray ka maghangyo han mga halad nga sinunog ngan mga halad tungod han sala.+   Katapos, nagsiring ako: “Kitaa, kinanhi ako. Ha linukot nga basahon* ito an iginsurat mahitungod ha akon.+   An pagbuhat han imo kaburut-on amo an akon kalipay,* O akon Dios,+Ngan an imo balaud aadi ha sulod han akon kasingkasing.+   Iginpapasamwak ko an maopay nga sumat han katadongan ha daku nga kongregasyon.+ Kitaa! Diri ko ginpupugngan an akon mga im-im,+O Jehova, maaram ka gud hito. 10  Diri ko gintatabonan ha akon kasingkasing an imo pagkamatadong. Iginpapasamwak ko an imo pagkamatinumanon ngan pagtalwas. Diri ko igintatago an imo maunungon nga gugma ngan an imo kamatuoran ha daku nga kongregasyon.”+ 11  O Jehova, ayaw pagpugngi an imo kalooy para ha akon. Hinaot an imo maunungon nga gugma ngan an imo kamatuoran pirme magpanalipod ha akon.+ 12  Duro kadamu an kasakitan ha akon palibot nga diri ko na maihap.+ Damu hinduro an akon sayop salit diri ko nakikita an akon gin-aagian;+Mas damu pa ito kay ha mga buhok han akon ulo,Ngan nanluluya ako. 13  Alayon, O Jehova, kinaburut-on nga talwasa ako.+ O Jehova, pagdagmit ha pagbulig ha akon.+ 14  Hinaot an ngatanan nga nag-iikaparatay ha akon* Mahibutang ha kaarawdan ngan maalohan. Hinaot an mga nalilipay ha akon kasakitanUmatras nga naaalohan. 15  Hinaot an mga nasiring ha akon: “Hayukat! Hayukat!” Matigdaan tungod han ira mismo kaalohan. 16  Pero an mga namimiling ha imo+Malipay gud ngan magrayhak unta tungod ha imo.+ Hinaot an mga nahigugma ha imo mga pagtalwas pirme magsiring: “Pasidunggan unta hi Jehova.”+ 17  Pero ako waray mahihimo ngan pobre;Hinaot hi Jehova maghatag hin atensyon ha akon. Ikaw an akon parabulig ngan akon paratalwas;+Dios ko, ayaw paglangan.+

Mga footnote

O “Mapailubon nga naghulat.”
O “hiya dinuko basi mamati.”
O “ha mga buwaon.”
O “malipay.”
Lit., “Ha linukot nga basahon han libro.”
O “ginhihingyap.”
O “namimiling han akon kalag.”