Mga Salmo 15:1-5

  • Hin-o an puydi magin bisita ha tolda ni Jehova?

    • Nagyayakan hiya han kamatuoran ha iya kasingkasing (2)

    • Diri hiya nagpapakaraot (3)

    • Iya gintutuman an saad bisan kon naghahatag ito hin kasakit (4)

Kanta ni David. 15  O Jehova, hin-o an puydi magin bisita ha imo tolda? Hin-o an puydi umukoy ha imo baraan nga bukid?+   An tawo nga naglalakat nga waray kasaypanan,*+ An nagbubuhat han husto+Ngan nagyayakan han kamatuoran ha iya kasingkasing.+   Diri hiya nagpapakaraot pinaagi han iya dila,+Diri hiya nagbubuhat hin maraot ha iya amyaw,*+ Ngan diri niya ginlilibak* an iya kasangkayan.+   Iya iginsasalikway an bisan hin-o nga angay kangalasan,+Pero ginpapasidunggan niya an mga may kahadlok kan Jehova. Diri hiya naatras ha iya saad,* bisan kon nakakaraot ito ha iya.+   Diri hiya nagpapautang han iya kwarta nga may tubo,+Ngan diri hiya nakarawat hin hukip kontra ha inosente.+ An bisan hin-o nga nagbubuhat hini nga mga butang diri gud mababay-og.*+

Mga footnote

O “may integridad.”
Ha iba nga lugar, “hipid.”
O “ginpapakaalohan.”
Lit., “iginpanumpa.”
O “diri gud mababantad (mauuy-og).”