Mga Salmo 9:1-20
Para ha direktor han Mut-laben.* Kanta ni David.
א [Aleph]
9 O Jehova, bug-os-kasingkasing nga dadayawon ko ikaw;Akon isusumat an ngatanan mo nga urusahon nga buhat.+
2 Magrarayhak ngan maglilipay gud ako tungod ha imo;Magkakanta ako hin mga pagdayaw* ha imo ngaran, O Gihitaasi.+
ב [Beth]
3 Kon umatras an akon mga kaaway,+Mahipapakdol ngan mapupoo hira ha imo atubangan.
4 Kay imo gindidepensahan an akon matadong nga katuyoan;Nalingkod ka ha imo trono nga naghuhukom uyon ha katadongan.+
ג [Gimel]
5 Imo ginsaway an mga nasud+ ngan ginbungkag an magraot,Imo ginpara an ira ngaran ha kadayonan, oo ha kadayonan.
6 An mga kaaway ginbungkag ha kadayonan;Imo gin-gabot an ira mga syudad,Ngan an ngatanan nga hinumdoman ha ira mawawara.+
ה [He]
7 Pero hi Jehova nalingkod ha trono ha kadayonan;+Iya gin-establisar hin marig-on an iya trono para ha hustisya.+
8 Iya huhukman uyon ha katadongan an inuukyan nga tuna;*+
Iya ipapadapat an matadong nga mga paghukom ha mga nasud.+
ו [Waw]
9 Hi Jehova magigin talwas nga arayopan* para ha mga tinalumpigos,+Usa nga talwas nga arayopan ha mga panahon han kasakitan.+
10 An mga nakilala han imo ngaran masarig ha imo;+Diri mo gud papabay-an an mga namimiling ha imo, O Jehova.+
ז [Zayin]
11 Pagkanta hin mga pagdayaw kan Jehova nga naukoy* ha Zion;Ipahibaro ha mga katawohan an iya mga buhat.+
12 Kay Hiya nga naninimalos ha ira dugo nahinunumdom ha ira;+Diri niya hingangalimtan an pangaraba han nag-aantos.+
ח [Heth]
13 Ipakita ha akon an imo pagkabuotan, O Jehova; kitaa an pagpaantos ha akon han mga nangangalas ha akon,Ikaw nga nagbangon ha akon tikang ha mga ganghaan han kamatayon,+
14 Basi maipasamwak ko an imo darayawon nga mga buhat ha mga ganghaan han anak nga babaye han Zion,+Ngan magrayhak ha imo mga pagtalwas.+
ט [Teth]
15 An mga nasud nagkahuhulog ha buho nga ira ginhimo;An ira mismo tiil nahilit-ag ha pukot nga ira sekreto nga iginlatag.+
16 Hi Jehova kilala tungod ha paghukom nga iya iginpapadapat.+
An usa nga maraot nabibitik ha ginbubuhat han iya mismo mga kamot.+
Higgayon.* (Selah)
י [Yod]
17 An magraot mahingangadto ha Lubnganan,*An ngatanan nga nasud nga nahingangalimot ha Dios.
18 Pero an mga pobre diri pirme hingangalimtan;+Diri liwat mawawara an paglaom han mga maaghop.+
כ [Kaph]
19 Buhát, O Jehova! Ayaw pabay-i nga magdaog an mortal nga tawo.
Hukman unta an mga nasud ha imo presensya.+
20 Ipaabat ha ira an kahadlok, O Jehova,+Ipahibaro ha mga nasud nga hira mortal la nga mga tawo. (Selah)
Mga footnote
^ O “Magkakanta ako nga ginduduyogan hin mga instrumento.”
^ O “an mabungahon nga tuna.”
^ O “talwas ngan hitaas nga dapit.”
^ Ha iba nga lugar, “naistar.”
