Mga Salmo 138:1-8

  • Bisan kon ginpahitaas, an Dios nagtatagad

    • ‘Imo ginbaton an akon pag-ampo’ (3)

    • ‘Bisan ha peligro, gintalwas mo ako’ (7)

Salmo ni David. 138  Dadayawon ko ikaw ha bug-os ko nga kasingkasing.+ Ha atubangan han iba nga mga dios,Magkakanta ako hin mga pagdayaw ha imo.*   Mayukbo ako nga naatubang ha imo baraan nga templo,*+ Ngan dadayawon ko an imo ngaran+Tungod han imo maunungon nga gugma ngan han imo pagkamatinumanon. Kay imo ginpahitaas an imo pulong ngan an imo ngaran labaw han ngatanan nga butang.*   Ha adlaw nga tinawag ako, imo ako ginbaton;+Ginhimo mo ako nga maisugon* ngan makusog.+   An ngatanan nga hadi ha tuna magdadayaw ha imo, O Jehova,+Kay ira mababatian an mga saad nga imo ginsiring.   Magkakanta hira mahitungod han mga dalan ni Jehova,Kay daku an himaya ni Jehova.+   Bisan kon hi Jehova naukoy ha kahitas-an, nakikita niya an mga mapainubsanon,+Pero hirayo hiya ha mga mapahitas-on.+   Bisan kon naglalakat ako ha butnga han peligro, imo ako titipigan nga buhi.+ Imo igin-uunat an imo kamot kontra ha kasina han akon mga kaaway;An imo too nga kamot magtatalwas ha akon.   Bubuhaton ni Jehova an ngatanan nga butang para ha akon. O Jehova, an imo maunungon nga gugma nagpapabilin ha kadayonan;+Ayaw isalikway an mga buhat han imo mga kamot.+

Mga footnote

O posible nga “Ha pagkontra ha iba nga mga dios, magkakanta ako ha imo nga ginduduyogan hin mga instrumento.”
O “santuaryo.”
O posible nga “imo ginpahitaas an imo pulong labaw han imo mismo ngaran.”
O “an akon kalag nga maisugon.”