Mga Salmo 98:1-9
-
Hi Jehova, Paratalwas ngan matadong nga Hukom
-
Iginpahibaro an pagtalwas ni Jehova (2, 3)
-
Usa nga kanta.
98 Pagkanta kan Jehova hin bag-o nga kanta,+Kay nagbuhat hiya hin urusahon nga mga butang.+
An iya too nga kamot, an iya baraan nga butkon, nagpahinabo han katalwasan.*+
2 Iginpahibaro ni Jehova an iya pagtalwas;+Iya iginpahayag an iya pagkamatadong ha atubangan han mga nasud.+
3 Iya nahinumdoman an iya maunungon nga gugma ngan an iya pagkamatinumanon ha panimalay ni Israel.+
An ngatanan nga sidsid han tuna nakakita han pagtalwas han aton Dios.*+
4 An bug-os nga tuna magsinggit ngadto kan Jehova tungod han kadaogan.
Magkalipay ngan magsinggit hin malipayon ngan magkanta hin mga pagdayaw.*+
5 Magkanta hin mga pagdayaw* kan Jehova pinaagi han arpa,Pinaagi han arpa ngan han maopay pamation nga kanta.
6 Pinaagi han mga trumpeta ngan han pagpatunog han sungay,+Pagsinggit tungod han kadaogan ha atubangan han Hadi, hi Jehova.
7 Maghagubuhob an dagat ngan an ngatanan nga aada hito,An tuna* ngan an mga naukoy dida hito.
8 An mga salog magpakpak han ira mga kamot;An kabukiran urosa nga magsinggit hin malipayon+
9 Ha atubangan ni Jehova, kay tiabot* hiya basi maghukom ha tuna.
Iya huhukman an inuukyan nga tuna* uyon ha katadongan+
Ngan huhukman hin patas an mga katawohan.+
Mga footnote
^ O “naghatag ha iya hin kadaogan.”
^ O “han kadaogan han aton Dios.”
^ O “magkanta nga ginduduyogan hin mga instrumento.”
^ O “Magkanta nga ginduduyogan hin mga instrumento.”
^ O “mabungahon nga tuna.”
^ O “inabot na.”
^ O “an mabungahon nga tuna.”
