Mga Salmo 33:1-22
33 Singgit hin malipayon, kamo nga magtadong, tungod kan Jehova.+
Angayan la nga dayawon hiya han mga tangkod.
2 Pagpasalamat kan Jehova pinaagi han arpa;Pagkanta hin mga pagdayaw ha iya nga ginduduyogan hin instrumento nga napulo an kwerdas.
3 Pagkanta ha iya hin bag-o nga kanta;+Patokara hin maopay an mga kwerdas, upod an mga singgit han kalipay.
4 Kay an pulong ni Jehova matadong,+Ngan an ngatanan nga iya ginbubuhat masasarigan.
5 Nahigugma hiya ha katadongan ngan hustisya.+
An tuna puno han maunungon nga gugma ni Jehova.+
6 Pinaagi han pulong ni Jehova nahimo an langit,+Ngan an ngatanan nga aada hito* pinaagi han espiritu* han iya baba.
7 Iya gintitirok an kadagatan sugad hin dam;+Iya ginbubutang an mabalud nga katubigan ha mga bodega.
8 Magkaada unta kahadlok kan Jehova an bug-os nga tuna.+
Matinalahuron nga kahadlokan unta hiya han mga umurukoy han mabungahon nga tuna.
9 Kay nagyakan hiya, ngan nahitabo ito;+Nagsugo hiya, ngan ineksister ito.+
10 Ginpakyas ni Jehova an mga plano* han mga nasud;+Iya ginpugngan an mga plano* han mga katawohan.+
11 Pero an mga desisyon* ni Jehova magpapabilin ha kadayonan;+An mga panhunahuna han iya kasingkasing diri nagbabag-o ha ngatanan nga henerasyon.
12 Malipayon an nasud nga an Dios hi Jehova,+An katawohan nga iya ginpili sugad nga iya kalugaringon nga panag-iya.+
13 Hi Jehova natamod tikang ha langit;Iya nakikita an ngatanan nga anak han mga tawo.+
14 Tikang ha lugar nga iya gin-uukyan,Ginkikita niya an mga umurukoy han tuna.
15 Hiya an naghihimo han kasingkasing han ngatanan;Iya gin-uusisa an ngatanan nira nga buhat.+
16 Waray hadi nga natatalwas pinaagi hin damu nga sundalo;+An tawo nga makusog diri natatalwas pinaagi han iya daku nga gahum.+
17 An kabayo diri makakahatag hin katalwasan;*+
An daku nga kusog hito diri makakapasarig hin pagpalagiw.
18 Kitaa! An mata ni Jehova nagkikita ha mga may kahadlok ha iya,+Ha mga naghuhulat han iya maunungon nga gugma,
19 Basi talwason hira* tikang ha kamatayon
Ngan basi tipigan hira nga buhi ha panahon han gutom.+
20 Nagpapamulat kita* kan Jehova.
Hiya an aton parabulig ngan an aton taming.+
21 An aton kasingkasing nagrarayhak tungod ha iya,Kay nasarig kita ha iya baraan nga ngaran.+
22 Hinaot an imo maunungon nga gugma magpabilin ha amon, O Jehova,+Samtang padayon nga naghuhulat kami ha imo.+
Mga footnote
^ Lit., “an bug-os nga hugpo hito.”
^ O “gininhawa.”
^ O “katuyoan.”
^ O “mga panhunahuna.”
^ O “katuyoan.”
^ O “kadaogan.”
^ O “an ira kalag.”
^ O “an aton kalag.”
