Mga Salmo 54:1-7
-
Pag-ampo para hin bulig ha butnga han kaaway
-
“An Dios an akon parabulig” (4)
-
Para ha direktor; duduyogan han mga instrumento nga may kwerdas. Maskil.* Salmo ni David, han kinadto an mga Zipita ngan nagsumat kan Saul: “Hi David nagtitinago ha amon lugar.”+
54 O Dios, talwasa ako pinaagi han imo ngaran,+Ngan depensahi ako*+ pinaagi han imo gahum.
2 O Dios, pamatii an akon pag-ampo;+Tagi hin atensyon an mga pulong han akon baba.
3 Kay gin-aatake ako han mga estranghero,Ngan gin-iikaparatay ako* han magpintas nga mga tawo.+
Waray hira pagtagad ha Dios.*+ (Selah)
4 Kitaa! An Dios an akon parabulig;+Hi Jehova kaupod han mga nabulig ha akon.*
5 An magraot nga mga buhat han akon mga kaaway igbubulos niya ha ira;+Ha imo pagkamatinumanon, pamataya* hira.+
6 Kinaburut-on nga maghahalad ako ha imo.+
Dadayawon ko an imo ngaran, O Jehova, kay maopay ito.+
7 Kay gintatalwas niya ako ha tagsa nga kasakitan,+Ngan makikita ko an kapirde han akon mga kaaway.+
