Mga Salmo 106:1-48
106 Dayawa hi Jah!*
Pagpasalamat kan Jehova, kay hiya maopay;+An iya maunungon nga gugma nagpapabilin ha kadayonan.+
2 Hin-o an bug-os nga makakapasamwak han gamhanan nga mga buhat ni JehovaO makakapahayag han ngatanan nga iya darayawon nga mga buhat?+
3 Malipayon an mga nagbubuhat uyon ha hustisya,Nga pirme nagbubuhat han husto.+
4 O Jehova, hinumdumi ako kon nagpapakita ka hin pag-uyon* ha imo katawohan.+
Mangnoi ako pinaagi han imo mga pagtalwas,
5 Basi malipay ako ha pagkamaopay nga imo iginpapakita ha imo mga pinili,+Basi magrayhak ako kaupod han imo nasud,Basi may pagrakudaku nga dayawon* ko ikaw upod han imo panurundon.
6 Nakasala kami sugad han ginbuhat han amon mga kaapoy-apoyan;+Nakahimo kami hin sayop; nagbuhat kami hin maraot.+
7 An amon mga kaapoy-apoyan ha Ehipto waray mag-apresyar* han imo urusahon nga mga buhat.
Waray nira hinumdumi an imo hura nga maunungon nga gugma,Lugod nagrebelde hira didto ha dagat, ha may Dagat nga Pula.+
8 Pero iya gintalwas hira tungod han iya ngaran,+Basi maipahibaro an iya pagkagamhanan.+
9 Iya ginsaway an Dagat nga Pula, ngan nagmara ito;Iya gintugwayan hira dida ha kahiladman hito nga sugad hin naglalakat ha disyerto;*+
10 Iya gintalwas hira tikang ha kamot han ira kakontra+
Ngan ginbawi hira tikang ha kamot han kaaway.+
11 An katubigan nagtabon ha ira mga kakontra;Waray usa ha ira nga natalwas.*+
12 Katapos, tinoo hira ha iya saad;+Nagtikang hira ha pagkanta hin pagdayaw ha iya.+
13 Pero nahingalimot dayon hira han iya ginbuhat;+Waray hira maghulat ha iya sagdon.
14 Nagpadaog hira ha ira hakugnon nga mga hingyap didto ha kamingawan;+Ira ginsarihan an Dios didto ha disyerto.+
15 Iya iginhatag ha ira an ira gin-aro,Pero katapos hito, ginpahinabo niya nga magkaada hira hin sakit nga nagpagasa hinduro ha ira.*+
16 Didto ha kampo nangabugho hira kan MoisesNgan kan Aaron,+ nga baraan para kan Jehova.+
17 Katapos, binuka an tuna ngan ginlamoy hi DatanNgan natabonan an mga nagkatirok kaupod ni Abiram.+
18 An kalayo naglarab dida ha ira grupo;An kalayo nag-ugtang ha magraot.+
19 Naghimo hira hin nati nga baka didto ha Horeb
Ngan yinukbo ha metal nga rebulto;*+
20 An akon himaya ira ginbalyoanHan simbolo han todo nga baka nga banwa an ginkakaon.+
21 Ginkalimtan nira an Dios+ nga ira Paratalwas,Nga nagbuhat hin urusahon nga mga buhat ha Ehipto,+
22 Urusahon nga mga buhat ha tuna han Ham,+Milagroso nga mga buhat ha Dagat nga Pula.+
23 Magsusugo na unta hiya nga poohon hira,Pero hi Moises nga iya pinili nakimalooy ha iya*Nga pugngan an iya nakakabungkag nga kasina.+
24 Katapos, ira gintamay an makaruruyag nga tuna;+Waray hira tumoo ha iya saad.+
25 Padayon hira nga nagngurutob ha ira mga tolda;+Waray hira mamati ha tingog ni Jehova.+
26 Salit gin-alsa niya an iya kamot ha panumpa may kalabotan ha ira
Nga iya pamamatayon hira ha kamingawan;+
27 Iya pamamatayon an ira katulinan dida ha mga nasud,Ngan iya pahihinaboon nga magsarang hira ha ngatanan nga katunaan.+
28 Katapos, inapi hira ha pagsingba* kan Baal han Peor,+Ngan kinaon hira han mga halad para ha patay.*
29 Ira gin-aghat nga masina Hiya pinaagi han ira mga buhat,+Salit iya ginsirotan hira pinaagi hin peste.+
30 Pero han tinindog hi Pinehas ngan ginios,Inundang an peste.+
31 Ngan ito nga iya ginbuhat gintagad nga matadongHa ngatanan nga henerasyon ha kadayonan.+
32 Ira gin-aghat nga masina Hiya didto ha tubig han Meriba,*Ngan naghikaraot hi Moises tungod ha ira.+
33 Ira ginpasina an iya espiritu,Ngan nagyakan hiya nga waray anay maghunahuna.+
34 Waray nira pooha an mga katawohan,+Sugad han iginsugo ni Jehova ha ira.+
35 Lugod nakig-upod hira ha mga nasud+Ngan nagsunod* han ira mga paagi.+
36 Padayon hira nga nag-alagad ha ira mga idolo,+Ngan nagin bitik ito para ha ira.+
37 Ira iginhalad an ira mga anak nga lalakiNgan an ira mga anak nga babaye ngadto ha mga demonyo.+
38 Padayon nga ginpaagay nira an inosente nga dugo,+An dugo han ira mismo mga anak nga lalaki ngan mga anak nga babayeNga ira iginhalad ha mga idolo han Canaan;+Ngan an tuna nahugawan tungod han mga ginpaagay nga dugo.
39 Nagin mahugaw hira pinaagi han ira mga buhat;Waray hira magin matinumanon ha Dios* pinaagi han ira mga buhat.+
40 Salit an kasina ni Jehova naglarab kontra ha iya katawohan,Ngan nangalas hiya ha iya panurundon.
41 Pauroutro nga iya igintubyan hira ha mga nasud,+Basi pagmandoan hira han mga nangangalas ha ira.+
42 An ira mga kaaway nagtalumpigos ha ira,Ngan nagin sakop hira han ira gahum.*
43 Damu ka beses nga iya gintalwas hira,+Pero nagrebelde hira ngan waray sumugot,+Ngan ginpaubos hira tungod han ira sayop.+
44 Pero nakita niya an ira kasakitan+Ngan nabatian an ira pangaraba para hin bulig.+
45 Para ha ira kaopayan, nahinumdom hiya han kasabotan nga iya ginhimo,Ngan nalooy* hiya, napagios han iya daku* nga maunungon nga gugma.+
46 Iya ginpahinabo nga kalooyan hiraHan ngatanan nga nagbihag ha ira.+
47 Talwasa kami, O Jehova nga amon Dios,+Ngan tiroka kami tikang ha mga nasud+Basi magpasalamat kami ha imo baraan nga ngaranNgan malipay gud ha pagdayaw ha imo.*+
48 Hinaot dayawon hi Jehova, an Dios han IsraelTubtob ha kadayonan.+
Ngan an ngatanan nga katawohan magsiring, “Amen!”*
Dayawa hi Jah!*
Mga footnote
^ O “Hallelujah!” “Jah” an ginpahalipot nga porma han ngaran nga Jehova.
^ O “maopay nga kaburut-on.”
^ O “ighambog.”
^ O “makasabot han kahulogan.”
^ O “kamingawan.”
^ O “nahibilin.”
^ O “han ira kalag.”
^ O “hinurma nga rebulto.”
^ Lit., “tinindog ha guhang ha iya atubangan.”
^ O “nagin debotado hira.”
^ Karuyag sidngon, mga halad para ha patay nga mga tawo o ha waray kinabuhi nga mga dios.
^ Nangangahulogan nga “Pag-araway.”
^ O “nahibaro.”
^ O “Nagbuhat hira hin espirituwal nga prostitusyon.”
^ Lit., “kamot.”
^ O “hura.”
^ O “nagbasol.”
^ O “malipay gud ha imo kadayawan.”
^ O “Matuman unta!”
^ O “Hallelujah!” “Jah” an ginpahalipot nga porma han ngaran nga Jehova.
