Mga Salmo 12:1-8

  • Hi Jehova mabuhát basi gumios

    • An mga pulong han Dios putli (6)

Para ha direktor; ha tono han Seminit.* Kanta ni David. 12  Talwasa ako, O Jehova, kay an maunungon waray na;An matinumanon nga mga tawo naubos na dida ha katawohan.   Nagbubuwa hira ha usa kag usa;Nag-uulog-ulog hira pinaagi han ira mga im-im* ngan nagyayakan nga may maglimbong nga mga kasingkasing.*+   Lalaplapon ni Jehova an ngatanan nga maulog-ulog nga im-im Ngan uutdon an dila nga duro nga naghahambog,+   Adton nasiring: “Magdadaog kami pinaagi han amon mga dila. Gin-gagamit namon an amon mga im-im uyon ha amon karuyag;Hin-o ba an amon magigin agaron?”+   “Tungod kay gintatalumpigos an mga nag-aantos,Tungod han panhayhay han mga pobre,+Mabuhát ako basi gumios,” nasiring hi Jehova. “Akon hira tatalwason tikang ha mga nagtatamay ha ira.”*   An mga pulong ni Jehova putli;+Pariho ito han silber nga ginpurog ha hudno nga tuna* nga ginputli hin pito ka beses.   Imo hira babantayan, O Jehova;+Imo papanalipdan an tagsa ha ira tikang hini nga henerasyon tubtob ha kadayonan.   An magraot naglilinakat-lakat nga waray nakakaulangTungod kay an mga anak han mga tawo nag-aaghat hin karaotan.+

Mga footnote

Kitaa an Glossary.
Lit., “Nagyayakan hira pinaagi hin mahamis nga im-im.”
O “may doble nga kasingkasing.”
O “nanyayam-id ha ira.”
O posible nga “ha turunawan nga hudno dida ha tuna.”