Mga Salmo 20:1-9
-
Katalwasan para ha dinihogan nga hadi
-
Iba nasarig ha karuwahe ngan kabayo, “pero kami natawag ha ngaran ni Jehova” (7)
-
Para ha direktor. Kanta ni David.
20 Hinaot batunon ka ni Jehova ha adlaw han kasakitan.
Hinaot panalipdan ka han ngaran han Dios ni Jacob.+
2 Hinaot magpadara hiya hin bulig ha imo tikang ha baraan nga lugar+Ngan suportaran ka tikang ha Zion.+
3 Hinaot hinumdoman niya an ngatanan mo nga halad sugad nga regalo;Hinaot iya karawaton nga may pag-uyon* an imo halad nga sinunog. (Selah)
4 Hinaot ihatag niya ha imo an mga hingyap han imo kasingkasing+Ngan tagan hin kalamposan an ngatanan mo nga plano.*
5 Masinggit kami hin malipayon ha imo mga pagtalwas;+Aalsahon namon an amon mga bandera ha ngaran han amon Dios.+
Hinaot tumanon ni Jehova an ngatanan nga imo ginhahangyo.
6 Yana maaram gud ako nga gintatalwas ni Jehova an iya dinihogan.+
Iya ginbabaton hiya tikang ha iya baraan nga langitNga gintatalwas* pinaagi han iya gamhanan nga too nga kamot.+
7 An iba nasarig ha mga karuwahe ngan an iba ha mga kabayo,+Pero kami natawag ha ngaran ni Jehova nga amon Dios.+
8 Hira nahiraptay ngan natumba,Pero kami nakatindog ngan napahiuli.+
9 O Jehova, talwasa an hadi!+
Hiya mabaton ha amon ha adlaw nga mangaro kami hin bulig.+
