Mga Salmo 141:1-10
Kanta ni David.
141 O Jehova, natawag ako ha imo.+
Kadi dayon ha pagbulig ha akon.+
Pamatii ako kon natawag ako ha imo.+
2 Hinaot an akon pag-ampo magin sugad hin insenso+ nga gin-andam ha imo atubangan,+An akon mga kamot nga gin-alsa ha pag-ampo magin sugad hin lugas nga iginhahalad ha pagsirom.+
3 O Jehova, butangi hin gwardya an akon baba,Butangi hin bantay an akon mga im-im.+
4 Ayaw tuguti nga an akon kasingkasing magkaada tendensya ha pagbuhat hin bisan ano nga maraot,+Nga makigbahin ha maraot nga mga buhat upod han magraot nga mga tawo;Diri gud unta ako kumaon han ira magrasa nga mga pagkaon.
5 Kon sirotan ako han usa nga matadong, pagpakita ito hin maunungon nga gugma;+Kon iya ako sawayon, magigin pariho ito hin lana ha akon ulo,+Nga diri gud mabaribad an akon ulo.+
Magpapadayon ako ha pag-ampo bisan ha panahon han ira mga kasakitan.
6 Bisan kon an ira mga hukom ipanhulog ha pangpang,An mga tawo mamamati ha akon mga pulong, kay makaruruyag ito.
7 Sugad la nga an usa nga tawo nag-aarado ngan nagdudugmok han tuna,Sugad man an amon mga tul-an ginsarang ha ganggang han Lubnganan.*
8 Pero an akon mga mata nagkikita ha imo, O Jehova nga Soberano nga Ginoo.+
Ha imo ako naayop.
Ayaw pagkuhaa an akon kinabuhi.*
9 Panalipdi ako tikang ha kaipit ha lit-ag nga ira iginbutang para ha akon,Tikang ha mga bitik han mga magburuhat hin maraot.
10 An magraot durungan nga mahuhulog ha ira mismo mga pukot+Samtang ako talwas nga nalabay.
Mga footnote
^ O “ighuwad an akon kalag.”
