Mga Salmo 30:1-12
-
Kabido ginsaliwnan hin pagrayhak
-
Bug-os-kinabuhi nga mapapahimulosan an pag-uyon han Dios (5)
-
Kanta para ha inagurasyon han balay. Salmo ni David.
30 Papasidunggan ko ikaw, O Jehova, kay imo ako gin-alsa;*Waray mo pabay-i nga magrayhak an akon mga kaaway ha akon pag-antos.+
2 O Jehova nga akon Dios, nangaraba ako ha imo para hin bulig, ngan gintambal mo ako.+
3 O Jehova, gin-alsa mo ako* tikang ha Lubnganan.*+
Gintipigan mo ako nga buhi; gintalwas mo ako tikang ha kahilubong ha buho.*+
4 Pagkanta hin mga pagdayaw* kan Jehova, kamo nga mga maunungon ha iya,+Pagpasalamat ha iya baraan nga ngaran;*+
5 Kay an iya kasina madaliay la,+Pero an iya pag-uyon* mapapahimulosan ha bug-os nga kinabuhi.+
Bangin may pagtinangis ha gab-i, pero ha aga may pagsinggit ha kalipay.+
6 Han waray ako problema, nagsiring ako:
“Diri gud ako mababay-og.”*
7 O Jehova, han ginpakitaan mo ako hin pag-uyon,* ginparig-on mo ako sugad hin bukid.+
Pero han gintago mo an imo nawong, nahadlok gud ako.+
8 O Jehova, ha imo padayon ako nga natawag;+Ngan kan Jehova, padayon ako nga nanginginyupo para hin pag-uyon.
9 Ano an kapulsanan han akon kamatayon,* han akon pagkadto ha buho?*+
Dadayawon ka ba han tapotapo?+ Magsusumat ba ito han imo pagkamatinumanon?+
10 Pamati, O Jehova, ngan ipakita ha akon an imo pagkabuotan.+
O Jehova, buligi ako.+
11 Imo ginsaliwnan an akon kabido hin pagsayaw;Imo ginhukas an akon sako nga panapton, ngan ginsul-otan mo ako hin pagrayhak,
12 Basi ako* magkanta hin pagdayaw ha imo ngan diri padayon nga maghilom.
O Jehova nga akon Dios, dadayawon ko ikaw ha kadayonan.
