Mga Salmo 75:1-10

  • An Dios naghuhukom hin patas

    • Magraot mainom ha kopa ni Jehova (8)

Para ha direktor. Ha tono han “Ayaw Pagbungkaga.” Salmo ni Asap.+ Usa nga kanta. 75  Nagpapasalamat kami ha imo, O Dios, nagpapasalamat kami ha imo;An imo ngaran hirani,+Ngan an katawohan nagpapasamwak han imo urusahon nga mga buhat.  2  Nasiring ka: “Kon nagtatanda ako hin panahon,Naghuhukom ako hin patas.  3  Han natunaw an tuna ngan an ngatanan nga umurukoy hito,Ako an padayon nga nagparig-on han mga harigi hito.” (Selah)  4  Nasiring ako ha mga mapahitas-on, “Ayaw pagpahitaas,” Ngan ha magraot, “Ayaw ighambog an iyo kusog.*  5  Ayaw ighambog an iyo daku nga kusog* O ayaw pagyakan nga mapahitas-on.  6  Kay an kadungganan diri naabotTikang ha este o ha weste o ha sur.  7  Kay an Dios Hukom.+ Iya ginpapaubos an usa nga tawo ngan an usa ginpapahitaas.+  8  Kay may kopa ha kamot ni Jehova;+An bino nagbubura ngan maopay an kahalo. Sigurado nga iya ito ig-iipis,Ngan an ngatanan nga maraot ha tuna mainom hito, pati han mga lagod.”+  9  Pero ako, igpapasamwak ko ito ha kadayonan;Magkakanta ako hin mga pagdayaw* ha Dios ni Jacob. 10  Kay nasiring hiya: “Akon uutdon an ngatanan nga kusog* han magraot,Pero an kusog han magtadong dudugangan.”*

Mga footnote

Lit., “sungay.”
Lit., “sungay.”
O “Magkakanta ako nga ginduduyogan hin mga instrumento.”
Lit., “mga sungay.”
Lit.. “mga sungay han magtadong pahihitas-on.”