Mga Salmo 149:1-9
149 Dayawa hi Jah!*
Pagkanta kan Jehova hin bag-o nga kanta;+Dayawa hiya ha kongregasyon han mga maunungon.+
2 Magrayhak unta an Israel ha Harangdon nga naghimo ha iya;+An mga anak han Zion magin malipayon unta ha ira Hadi.
3 Dayawon unta nira an iya ngaran nga may upod nga pagsayaw+Ngan magkanta hin mga pagdayaw ha iya, nga ginduduyogan hin tamborin ngan hin arpa.+
4 Kay hi Jehova nalilipay ha iya katawohan.+
Ginpapatahom niya an mga maaghop pinaagi ha pagtalwas ha ira.+
5 Malipay gud unta an mga maunungon tungod han ira dungog;Magsinggit unta hira tungod han kalipay dida ha ira mga higdaan.+
6 An mga kanta ha pagdayaw ha Dios maada unta ha ira but-ol,Ngan an espada nga paluyoluyo an tarom maada unta ha ira kamot,
7 Basi magpadapat hin bulos ha mga nasudNgan hin sirot ha mga katawohan,
8 Basi gapuson an ira mga hadi pinaagi hin mga kadenaNgan an ira dungganon nga mga tawo pinaagi hin mga kadena nga puthaw,
9 Basi ipadapat an paghukom nga iginsurat kontra ha ira.+
Ini nga kadungganan para ha ngatanan nga maunungon ha iya.
Dayawa hi Jah!*
Mga footnote
^ O “Hallelujah!” “Jah” an ginpahalipot nga porma han ngaran nga Jehova.
^ O “Hallelujah!” “Jah” an ginpahalipot nga porma han ngaran nga Jehova.