Mga Salmo 53:1-6
Para ha direktor; uyon ha Mahalath* nga estilo. Maskil.* Salmo ni David.
53 An tawo nga lurong* nasiring ha iya kasingkasing:
“Waray Jehova.”+
An ira diri magtadong nga mga buhat maraot ngan mangil-ad;Waray bisan usa nga nagbubuhat hin maopay.+
2 Kondi tikang ha langit an Dios natamod ha mga anak han mga tawo+
Basi kitaon kon may bisan hin-o nga may hilarom nga pagsabot, kon may bisan hin-o nga namimiling kan Jehova.+
3 Hira ngatanan sinimang;Hira ngatanan parapriho magraot.
Waray bisan usa nga nagbubuhat hin maopay,Waray gud bisan usa.+
4 Diri ba nakakasabot an mga magburuhat hin sala?
Ira ginlalamoy an akon katawohan nga baga hin nakaon hira hin tinapay.
Diri hira natawag kan Jehova.+
5 Pero maabat hira hin duro gud nga kahadlok,Duro nga kahadlok nga waray pa gud nira abata hadto,*Kay pagsasarangon han Dios an mga tul-an han mga naatake ha imo.*
Papakaalohan mo hira, kay iginsalikway hira ni Jehova.
6 O magtikang unta ha Zion+ an katalwasan han Israel!
Kon tirukon utro ni Jehova an iya katawohan nga nabihag,Malipay unta hi Jacob, magrayhak unta an Israel.
Mga footnote
^ O “waray buot.”
^ O posible nga “Kahadlok nga waray man sadang kahadlokan.”
^ Lit., “nagkakampo kontra ha imo.”
