Mga Salmo 76:1-12

  • Kadaogan han Dios ha kaaway han Zion

    • Maaghop gintatalwas han Dios (9)

    • Mapahitas-on nga kaaway pauubson (12)

Para ha direktor; duduyogan han mga instrumento nga may kwerdas. Salmo ni Asap.+ Usa nga kanta. 76  An Dios kilala ha Juda;+Ha Israel bantog an iya ngaran.+   An iya sirongan aadto ha Salem,+Ngan an iya urukyan aadto ha Zion.+   Didto iya ginruba an naglalaga nga mga pana han bawog,An taming ngan an espada ngan an mga armas nga pan-girra.+ (Selah)   Nasanag ka hin malamrag;*Mas harangdon ka kay han kabukiran nga gin-uukyan han ihalas nga mga hayop.   An mga maisugon an kasingkasing ginpanguhaan han ira mga butang sugad nga dinag-an.+ Nanhingaturog hira;An ngatanan nga girriro waray nahimo.+   Tungod han imo pagsaway, O Dios ni Jacob,Nahingaturog hin hilarom an parapadalagan hin karuwahe pati an kabayo.+   Ikaw gud la an urusahon hinduro.*+ Hin-o an makakailob han imo duro nga kasina?+   Tikang ha langit imo iginpahayag an paghukom;+An tuna nahadlok ngan naghilom+   Han an Dios binuhát ha pagpadapat han paghukom,Basi talwason an ngatanan nga maaghop ha tuna.+ (Selah) 10  Kay an duro nga kasina han tawo magriresulta ha imo kadayawan;+An nabibilin pa nga ira duro nga kasina imo gagamiton ha paghimaya han imo kalugaringon. 11  Pagsaad kamo kan Jehova nga iyo Dios ngan tumana ito,+Hinaot an ngatanan nga aada ha iya palibot may kahadlok nga magdara han ira regalo.+ 12  Iya pauubson an pagpahitaas* han mga lider;Iya ginpapaabat hin kahadlok an mga hadi ha tuna.

Mga footnote

O “Napapalibotan ka han kalamrag.”
O “nakakaaghat hin hilarom nga respeto nga may kahadlok.”
Lit., “espiritu.”