Mga Salmo 57:1-11

  • Hangyo para hin pagkabuotan

    • Arayopan ha mga pako han Dios (1)

    • An mga kaaway nahulog ha ira mismo bitik (6)

Para ha direktor; ha tono han “Ayaw Pagbungkaga.” Salmo ni David. Miktam.* Han pinalagiw hiya kan Saul pakadto ha lungib.+ 57  Ipakita ha akon an imo pagkabuotan, O Dios, ipakita ha akon an imo pagkabuotan,Kay ako* naayop ha imo,+Ngan ha lambong han imo mga pako naayop ako tubtob nga mawara an mga kakurian.+   Natawag ako ha Dios nga Gihitaasi,Ha tinuod nga Dios, nga nagtapos hito para ha akon.   Magpapadara hiya hin bulig tikang ha langit ngan tatalwason ako.+ Iya papakyason an nakagat ha akon. (Selah) Ipapakita han Dios an iya maunungon nga gugma ngan an iya pagkamatinumanon.+   Napapalibotan ako* hin mga leon;+Kinahanglan ko humigda upod han mga tawo nga karuyag maglamoy ha akon,Nga an mga ngipon mga bangkaw ngan mga panaNgan an dila matarom nga espada.+   O Dios, pahitas-on mo unta an imo kalugaringon ha igbaw han langit;Hinaot an imo himaya mahingada ha bawbaw han bug-os nga tuna.+   Nag-andam hira hin pukot basi mabitik an akon mga tiil;+Naduko ako* tungod han kasakitan.+ Nag-ukad hira hin buho ha akon unhan,Pero hira mismo an nahulog ngada hito.+ (Selah)   An akon kasingkasing marig-on, O Dios,+An akon kasingkasing marig-on. Magkakanta ako ha imo nga ginduduyogan hin mga instrumento.   Pagmata, akon himaya. Pagmata, O instrumento nga may kwerdas; ikaw liwat, O arpa. Akon pupukawon an maagahon.+   Dadayawon ko ikaw dida ha mga katawohan, O Jehova;+Magkakanta ako hin mga pagdayaw* ha imo dida ha mga nasud.+ 10  Kay an imo maunungon nga gugma daku gud, sugad kahitaas han langit,+Ngan an imo pagkamatinumanon, tubtob ha kalangitan. 11  O Dios, pahitas-on mo unta an imo kalugaringon ha igbaw han langit;Hinaot an imo himaya mahingada ha bawbaw han bug-os nga tuna.+

Mga footnote

Kitaa an Glossary.
O “an akon kalag.”
O “an akon kalag.”
O “an akon kalag.”
O “Magkakanta ako nga ginduduyogan hin mga instrumento.”