Mga Salmo 140:1-13
Para ha direktor. Kanta ni David.
140 O Jehova, talwasa ako tikang ha magraot nga mga tawo;Panalipdi ako tikang ha madarahog nga mga tawo,+
2 Ha mga nagpaplano hin maraot dida ha ira kasingkasing+Ngan nag-aaghat hin away ha bug-os nga adlaw.
3 Ira ginpapatarom an ira dila pariho hin kanan halas;+An lara han mga halas nga bibora aada ha luyo han ira mga im-im.+ (Selah)
4 O Jehova, panalipdi ako tikang ha mga kamot han maraot;+Depensahi ako tikang ha madarahog nga mga tawo,Ha mga nagpaplano ha pagbinti* ha akon.
5 An mga mapahitas-on nagbubutang hin sekreto nga lit-ag para ha akon;Pinaagi hin mga pisi naglalatag hira hin pukot ha ligid han aragian.+
Nagbubutang hira hin mga bitik para ha akon.+ (Selah)
6 Nasiring ako kan Jehova: “Ikaw an akon Dios.
O Jehova, pamati ha akon mga pakimalooy para hin bulig.”+
7 O Jehova nga Soberano nga Ginoo, an akon makusog nga Paratalwas,Imo ginpapanalipdan an akon ulo ha adlaw han girra.+
8 O Jehova, ayaw ihatag an mga hingyap han magraot.
Ayaw tuguti nga maglampos an ira mga plano, basi diri hira magpahitaas.+ (Selah)
9 Hinaot an mga ulo hadton nakapalibot ha akonMaputos han maraot nga ginyakan han ira mga im-im.+
10 Uranan unta hira hin naglalaga nga mga bága.+
Ilabog unta hira ngadto ha kalayo,Ngadto ha higlarom nga mga buho,*+ nga diri na gud makabangon utro.
11 An parapakaraot mawarayan unta hin lugar ha kalibotan.*+
Lanaton unta han maraot an madarahog nga mga tawo ngan bungkagon hira.
12 Maaram ako nga didepensahan ni Jehova an mga ubosNgan tatagan hin hustisya an mga pobre.+
13 Sigurado nga an magtadong magpapasalamat ha imo ngaran;An mga tangkod mag-uukoy ha imo atubangan.*+
Mga footnote
^ Ha iba nga lugar, “pagpalati.”
^ O “Ngadto ha tubigon nga mga buho.”
^ O “ha tuna.”
^ O “ha imo presensya.”
