Mga Salmo 116:1-19
116 Hinigugma ko hi JehovaKay namamati hiya* han akon tingog, han akon mga pakimalooy para hin bulig.+
2 Kay iya ginkikiling an iya talinga* ha akon,+Ngan matawag ako ha iya samtang buhi ako.*
3 An mga pisi han kamatayon naggapos ha akon;Ginkaptan ako hin makusog han Lubnganan.*+
Nadaog ako han kasakit ngan kasubo.+
4 Pero tinawag ako ha ngaran ni Jehova:+
“O Jehova, talwasa ako!”*
5 Hi Jehova mapinairon* ngan matadong;+An aton Dios maloloy-on.+
6 Ginbabantayan ni Jehova an waray eksperyensya.+
Ginpaubos ako, ngan iya ako gintalwas.
7 Hinaot makapahuway utro an akon kalag,*Kay maopay an pagtratar ha akon ni Jehova.
8 Gintalwas mo ako* tikang ha kamatayon,An akon mata tikang ha pagtinangis, an akon tiil tikang ha kahipakdol.+
9 Maglalakat ako ha atubangan ni Jehova ha tuna han mga buhi.
10 May pagtoo ako, salit nagyakan ako;+Nag-antos ako hinduro.
11 Pero ako, natarantar ako ngan nagsiring:
“An tagsa nga tawo buwaon.”+
12 Ano an akon maibabalos kan JehovaTungod han ngatanan nga maopay nga iya ginbuhat para ha akon?
13 Kakarawaton ko an kopa han katalwasan,*Ngan matawag ako ha ngaran ni Jehova.
14 Tutumanon ko an akon mga saad kan JehovaHa atubangan han ngatanan niya nga katawohan.+
15 Birilhon* ha pagkita ni JehovaAn kamatayon han mga maunungon ha iya.+
16 Nakikimalooy ako ha imo, O Jehova,Kay ako imo surugoon.
Ako imo surugoon, an anak han imo uripon nga babaye.
Imo ginbadbad an akon mga gapos.+
17 Maghahalad ako ha imo han halad ha pagpasalamat;+Matawag ako ha ngaran ni Jehova.
18 Tutumanon ko an akon mga saad kan Jehova+Ha atubangan han ngatanan niya nga katawohan,+
19 Ha mga bungsaran han balay ni Jehova,+Ha imo butnga, O Jerusalem.
Dayawa hi Jah!*+
Mga footnote
^ O posible nga “Nahigugma ako kay hi Jehova namamati.”
^ O “hiya naduko basi mamati.”
^ Lit., “ha akon mga adlaw.”
^ Lit., “Nabilngan ako han mga kasakitan han Sheol.”
^ O “an akon kalag.”
^ O “makonsiderasyon.”
^ O “an akon kalag.”
^ O “daku nga katalwasan.”
^ Lit., “Presyoso.”
^ O “Hallelujah!” “Jah” an ginpahalipot nga porma han ngaran nga Jehova.
