Mga Salmo 39:1-13

  • Pagin halipot han kinabuhi

    • An tawo usa la nga gininhawa (5, 11)

    • ‘Ayaw igbalewaray an akon luha’ (12)

Para ha direktor han Jedutun.*+ Kanta ni David. 39  Ako nagsiring: “Babantayan ko an akon pitad Basi malikyan ko an pakasala pinaagi han akon dila.+ Babantayan ko an akon baba pinaagi hin pagbusal+Samtang may maraot nga tawo ha akon atubangan.”   Waray ako makayakan ngan humilom ako;+Waray ako magtingog bisan mahitungod han maopay,Pero duro* an akon kasakit.   Nagbangga* an akon kasingkasing;Samtang namamalandong* ako, padayon nga naglalaga an kalayo. Salit ako nagsiring:   “O Jehova, buligi ako nga mahibaroan an akon magigin kataposan,Ngan an kahilawig han akon mga adlaw,+Basi mahibaroan ko kon ano kahalipot an akon kinabuhi.*   Ha pagkamatuod, imo ginhimo nga gutiay* la an akon mga adlaw;+Ngan an kahilawig han akon kinabuhi sugad hin waray la ha imo.+ Sigurado nga an tagsa nga tawo, bisan kon baga hin may seguridad hiya, usa la nga gininhawa.+ (Selah)   Sigurado nga an tagsa nga tawo naglilinakat-lakat sugad hin lambong. Kawang la an iya pagpinaniguro.* Nagtitirok hiya hin karikohan, nga diri maaram kon hin-o an magpapahimulos hito.+   Kon sugad, ano an akon malalaoman, O Jehova? Ikaw gud la an akon paglaom.   Talwasa ako tikang ha ngatanan nga akon pagtalapas.+ Ayaw pabay-i nga tamayon ako han tawo nga lurong.   Padayon nga waray ako makayakan;Diri ko maibuka an akon baba,+Tungod kay ikaw an nagbubuhat hito.+ 10  Kuhaa an sakit nga iginhatag mo ha akon. Maluya na ako kay ginkakastigo ako han imo kamot. 11  Imo gintatadong an tawo pinaagi hin sirot tungod han iya sayop;+Ginkukutkot mo an mga butang nga iya gintitipigan sugad han ginbubuhat han insekto. Sigurado nga an tagsa nga tawo usa la nga gininhawa.+ (Selah) 12  Pamatii an akon pag-ampo, O Jehova,Pamatii an akon pangaraba para hin bulig.+ Ayaw igbalewaray an akon mga luha. Kay para ha imo usa la ako nga dayo nga residente,+Usa nga lumalabay nga biyahero,* pariho han ngatanan ko nga kaapoy-apoyan.+ 13  Ayaw pagkita ha akon nga nasisina ka basi malipay ako Antes ako mamatay ngan mawara.”

Mga footnote

Kitaa an Glossary.
O “dinugang.”
Lit., “Nagtikapaso.”
O “nanhahayhay.”
O “nga lumalabay la ako.”
Lit., “mga dapal.”
Lit., “pag-inaringasa.”
O “Usa nga dayo.”