Mga Salmo 147:1-20

  • Gindadayaw an mahigugmaon ngan gamhanan nga mga buhat han Dios

    • Ruba an kasingkasing gintatambal (3)

    • Iya gintatawag ha ngaran an ngatanan nga bitoon (4)

    • Nagpapadara hiya hin niebe nga pariho hin de-lana nga tela (16)

147  Dayawa hi Jah!* Maopay an pagkanta hin mga pagdayaw* ha aton Dios;Makalilipay gud ngan angay la nga dayawon hiya!+  2  Gintutukod ni Jehova an Jerusalem;+Iya gintitirok an nagpatlaag nga katawohan han Israel.+  3  Iya gintatambal an mga ruba an kasingkasing;Iya ginbubutok an ira mga samad.  4  Iya gin-iihap an kadamu han mga bitoon;Iya gintatawag hira ngatanan ha ira ngaran.+  5  An aton Ginoo harangdon ngan gamhanan hinduro;+Waray tubtoban an iya pagsabot.+  6  Ginpapahitaas ni Jehova an mga maaghop,+Pero iya ginhuhulog ha tuna an magraot.  7  Pagkanta kan Jehova hin mga pagpasalamat;Pagkanta hin mga pagdayaw ha aton Dios, nga ginduduyogan han arpa,  8  Ha Dios nga nagtatabon han langit pinaagi hin mga dampog,Hiya nga nagtatagana hin uran ha tuna,+Hiya nga nagpapaturok hin mga banwa+ ha kabukiran.  9  Naghahatag hiya hin pagkaon ha mga hayop,+Ha piyak nga mga uwak nga nangangaro hito.+ 10  Diri hiya nalilipay ha pagin makusog han kabayo;+Diri liwat hiya nabilib ha magkusog nga mga bitiis han usa nga tawo.+ 11  Nalilipay hi Jehova ha mga may kahadlok ha iya,+Ha mga naghuhulat han iya maunungon nga gugma.+ 12  Himayaa hi Jehova, O Jerusalem. Dayawa an imo Dios, O Zion. 13  Ginpaparig-on niya an mga trangka han mga ganghaan han imo syudad;Ginbibendisyonan niya an imo mga anak nga aada ha sulod mo. 14  Ginpapahinabo niya an kamurayawan ha imo teritoryo;+Ginbubusog ka niya han pinakamaopay nga klase hin* trigo.+ 15  An iya sugo iya iginpapadara ha tuna;An iya pulong malaksi nga nadalagan. 16  Nagpapadara hiya han niebe nga pariho hin de-lana nga tela;+Ginpapasarang niya an pino nga mga yelo pariho hin abo.+ 17  Iya ginhuhulog an iya uran nga yelo pariho hin mga tipik han tinapay.+ Hin-o an makakailob han iya kahagkot?+ 18  Iya iginpapadara an iya pulong, ngan nagkakatutunaw hira. Iya ginpapahuyop an iya hangin,+ ngan an katubigan naawas. 19  Iya iginsusumat kan Jacob an iya pulong,Iya iginsusumat kan Israel an iya mga regulasyon ngan mga paghukom.+ 20  Waray niya ito buhata ha bisan ano nga iba pa nga nasud;+Diri hira maaram mahitungod han iya mga paghukom. Dayawa hi Jah!*+

Mga footnote

O “Hallelujah!” “Jah” an ginpahalipot nga porma han ngaran nga Jehova.
O “pagkanta nga ginduduyogan hin mga instrumento.”
Lit., “han tambok han.”
O “Hallelujah!” “Jah” an ginpahalipot nga porma han ngaran nga Jehova.