Mga Salmo 84:1-12
Para ha direktor han Gitit.* Salmo han mga anak ni Kora.+ Usa nga kanta.
84 Makaruruyag gud* an imo harangdon nga tabernakulo,+O Jehova han mga hugpo!
2 An akon bug-os nga pagkatawo* naghihingyap,Oo, nahiraraptay ako tungod ha kahidlaw,Ha mga bungsaran ni Jehova.+
Bug-os-kasingkasing ngan bug-os-kusog nga nagsisinggit ako hin malipayon ha buhi nga Dios.
3 Bisan an tamsi nakakabiling hin urukyan didtoNgan an tamsi nga gitgit naghihimo didto han iya salag,Diin iya gin-aataman an iya piyakHirani ha imo harangdon nga halaran, O Jehova han mga hugpo,An akon Hadi ngan akon Dios!
4 Malipayon an mga naukoy ha imo balay!+
Padayon hira nga nagdadayaw ha imo.+ (Selah)
5 Malipayon an mga tawo nga nakakakuha hin kusog ha imo,+Nga an mga kasingkasing naghihingyap nga mahingadto ha mga kalsada nga tipakadto ha imo balay.
6 Kon naagi hira ha Walog han Baca,*Ginhihimo nira ito nga lugar han mga burabod;Ngan an temprano nga uran nagpapanapton hito* hin mga bendisyon.
7 Padayon hira nga maglalakat pero diri hira mauubosan hin kusog;+An kada tagsa naatubang ha Dios didto ha Zion.
8 O Jehova nga Dios han mga hugpo, pamatii an akon pag-ampo;Pamati, O Dios ni Jacob. (Selah)
9 Kitaa, amon taming+ ngan amon Dios,*Kitaa an nawong han imo dinihogan.+
10 Kay an usa ka adlaw ha imo mga bungsaran mas maopay kay han usa ka yukot ha bisan diin!+
Ginpipili ko nga tumindog ha tamakán han purtahan han balay han akon DiosImbes nga umukoy ha mga tolda han karaotan.
11 Kay hi Jehova nga Dios usa nga adlaw+ ngan usa nga taming;+Nagpapakita hiya hin pag-uyon ngan himaya.
Hi Jehova diri mag-aalang ha paghatag han bisan ano nga maopayHa mga naglalakat nga may integridad.+
12 O Jehova han mga hugpo,Malipayon an tawo nga nasarig ha imo.+
Mga footnote
^ O “Hinigugma gud.”
^ O “An akon kalag.”
^ O “ha walog han kakahoyan nga baca.”
^ O posible nga “Ngan an magturutdo nagpuputos han iya kalugaringon.”
^ O posible nga “Kitaa an amon taming, O Dios.”
