Mga Salmo 64:1-10
-
Panalipod ha patago nga pag-atake
-
“Papanaon hira han Dios” (7)
-
Para ha direktor. Kanta ni David.
64 Pamatii an akon tingog, O Dios, samtang nakikimalooy ako.+
Panalipdi an akon kinabuhi tikang ha makaharadlok nga mga pag-atake han kaaway.
2 Proteksyuni ako tikang ha sekreto nga mga plano han magraot nga mga tawo,+Tikang ha damu nga tawo nga magburuhat hin sala.
3 Ira ginbabaid an ira dila pariho hin espada;Ira iginpupuntirya an ira nakakasakit nga mga pulong pariho hin mga pana,
4 Basi panaon an inosente tikang ha ira gintatagoan nga mga lugar;Tigda nga ira hiya ginpapana nga diri nahahadlok.
5 Determinado hira ha ira maraot nga intensyon;*Nagsasarabot hira kon paonan-o diri makikita an ira mga lit-ag.
Nasiring hira: “Hin-o an makakakita hito?”+
6 Namimiling hira hin bag-o nga mga paagi ha pagbuhat hin sala;Sekreto nga nagpaplano hira han ira tuso nga estratihiya;+Diri matugkad an panhunahuna han kasingkasing han kada tagsa.
7 Pero papanaon hira han Dios;+Tigda nga masasamad hira pinaagi hin pana.
8 An ira mismo dila an magigin hinungdan han ira kapirde;+An ngatanan nga nagkikita magpipilingpiling.
9 Katapos, an ngatanan nga tawo mahahadlok,Ngan ira ipapasamwak an ginbuhat han Dios,Ngan magkakaada hira hilarom nga pagsabot ha iya mga ginbubuhat.+
10 An usa nga matadong magrarayhak tungod kan Jehova ngan maayop ha iya;+An ngatanan nga tangkod an kasingkasing malilipay gud.*
