Mga Salmo 7:1-17

  • Hi Jehova matadong nga Hukom

    • “Hukmi ako, O Jehova” (8)

Kan David kanta nga masurub-on* nga iya ginkanta kan Jehova mahitungod han mga pulong ni Cus nga Benjaminita. 7  O Jehova nga akon Dios, ha imo ako naayop.+ Talwasa ako tikang ha ngatanan nga nagtitimaraot ha akon ngan salbara ako.+   Kay kon diri pagkukuniskunison nira ako* sugad han ginbubuhat han leon,+Dadad-on ako nga waray magtatalwas ha akon.   O Jehova nga akon Dios, kon nakahimo ako hin sayop,Kon nakabuhat ako hin diri matadong,   Kon nakasayop ako ha usa nga nagbubuhat hin maopay ha akon,+O kon waray hinungdan nga ginpanguhaan ko hin mga butang an akon kaaway,*   Kon sugad, pabay-i nga lanaton ngan maabtan ako* han kaaway;Pabay-i nga tamak-tamakan niya ako* dida ha tunaNgan pahinaboa nga an akon dungog mawara dida ha tapotapo. (Selah)   Buhát tungod ha imo kasina, O Jehova;Tindog kontra ha kapungot han akon mga kaaway;+Pagmata para ha akon, ngan pagsugo nga ipadapat an hustisya.+   Palibotan ka unta han mga nasud;Ngan magios ka kontra ha ira tikang ha kahitas-an.   Hi Jehova magsisentensya ha mga katawohan.+ Hukmi ako, O Jehova, uyon ha akon pagkamatadongNgan uyon ha akon integridad.+   Alayon paundanga* an magraot nga mga buhat han magraot. Pero parig-ona an magtadong,+Kay ikaw an matadong nga Dios+ nga nag-uusisa han mga kasingkasing+ ngan han pinakahilarom nga mga emosyon.*+ 10  An Dios an akon taming,+ an Paratalwas han mga tangkod an kasingkasing.+ 11  An Dios usa nga matadong nga Hukom,+Ngan an Dios nagpapahayag han iya mga paghukom* kada adlaw. 12  Kon may bisan hin-o nga diri magbabasol,+ Iya ginbabaid an iya espada;+Iya gintataod an higot han iya bawog ngan gin-aandam ito.+ 13  Iya ginpipreparar an iya nakakamatay nga mga armas;Iya gin-aandam an iya naglalaga nga mga pana.+ 14  Kitaa an usa nga nagbuburod hin karaotan;Nagmamabdos hiya hin kasamok ngan nag-aanak hin kabuwaan.+ 15  Nag-uukad hiya hin buho ngan ginpapahilarom ito,Kondi nahuhulog hiya hito mismo nga buho nga iya ginhimo.+ 16  An kasamok nga iya ginhihimo mabalik ha iya mismo ulo;+An iya kamadarahog mahingangada ha iya alimpupuro. 17  Dadayawon ko hi Jehova tungod han iya hustisya;+Magkakanta ako hin mga pagdayaw* ha ngaran ni Jehova+ nga Gihitaasi.+

Mga footnote

O “kanta han pagtaguminatay.”
O “an akon kalag.”
O posible nga “Samtang waray ko atakeha an usa nga nakontra ha akon nga waray hinungdan.”
O “an akon kalag.”
Lit., “an akon kinabuhi.”
Ha iba nga lugar, “patukoa.”
O “nagsasari han mga kasingkasing ngan han mga kidney.”
O “nagdideklara hin mga pagkondenar.”
O “Magkakanta ako nga ginduduyogan hin mga instrumento.”