Mga Salmo 6:1-10
Para ha direktor; duduyogan han mga instrumento nga may kwerdas ha tono han Seminit.* Kanta ni David.
6 O Jehova, ayaw kasina kon ginsasaway mo ako,Ngan ayaw kapungot kon gintatadong mo ako.+
2 Ipakita ha akon an imo pagkabuotan,* O Jehova, kay nagtitikaluya ako.
Tambala ako, O Jehova,+ kay nangungurog an akon mga tul-an.
3 Oo, nababaraka gud ako,*+
Ngan napakiana ako ha imo, O Jehova—tubtob san-o ito?+
4 Balik, O Jehova, ngan salbara ako;*+
Talwasa ako tungod han imo maunungon nga gugma.+
5 Kay ha kamatayon waray na mag-uunabi* ha imo;Ha Lubnganan,* hin-o an magdadayaw ha imo?+
6 Nanluya ako tungod han akon panhayhay;+Ha bug-os nga gab-i ginhulos ko an akon higdaan hin mga luha;*An akon katre nagbaha han akon pagtinangis.+
7 An akon mata nanluluya tungod han akon kasubo;+Naharap* ito tungod han ngatanan nga naatake ha akon.
8 Iwas ha akon, kamo ngatanan nga nagbubuhat hin karaotan,Kay pamamatian ni Jehova an akon pagtinangis.+
9 Pamamatian ni Jehova an akon paghangyo hin kalooy;+Kakarawaton ni Jehova an akon pag-ampo.
10 An ngatanan ko nga kaaway mahibubutang ha kaarawdan ngan mahahadlok gud;Maatras hira tungod han tigda nga kaalohan.+
Mga footnote
^ O “kalooy.”
^ O “an akon kalag.”
^ O “an akon kalag.”
^ O “mahinunumdom.”
^ Lit., “ginpalangoy ko an akon higdaan.”
^ O “Nalagas.”
