Mga Salmo 38:1-22

  • Pag-ampo han usa nga mabinasulon

    • “Nasasakit ako ngan nasusubo” (6)

    • Hi Jehova namamati ha mga naghuhulat ha iya (15)

    • “Nabaraka ako tungod han akon sala” (18)

Kanta ni David, sugad nga pahinumdom.* 38  O Jehova, ayaw kasina kon ginsasaway mo ako,Ayaw liwat kapungot kon gintatadong mo ako.+   Kay an imo mga pana dinulot hin hilarom ha akon,Ngan gindudun-an ako han imo kamot.+   May sakit an akon bug-os nga lawas* tungod han imo kasina. Waray kamurayawan ha sulod han akon mga tul-an tungod han akon sala.+   Kay an akon mga sayop aadi ha bawbaw han akon ulo;+Sugad hin mabug-at nga pinas-an, diri gud ako nakakaakos pagdara hito.   An akon mga samad naninimaho ngan nadudunotTungod han akon kalurongan.   Nasasakit ako ngan nasusubo hinduro;Ha bug-os nga adlaw naglilinakat ako nga masurub-on.   May kangutngot ha sulod nakon;*May sakit an akon bug-os nga lawas.+   Namanhod ako ngan nadugmok gud;Tungod han duro nga kasakit han akon kasingkasing, naghihinaroy ako hin makusog.*   O Jehova, maaram ka han ngatanan ko nga hingyap,Ngan an akon panhayhay diri natatago ha imo. 10  Malaksi an pagpitik han akon kasingkasing, naubos an akon kusog,Ngan nawara an kalamrag han akon mga mata.+ 11  Ginlilikyan ako han akon kasangkayan ngan han akon mga kaupod tungod han akon sakit,Ngan napahirayo ha akon an akon duok nga mga kakilala. 12  An mga nag-iikaparatay ha akon* nagbubutang hin mga lit-ag;An mga nagsasari pagdaot ha akon nagyayakan kontra ha akon;+Nagpaplano hira hin panlimbong ha bug-os nga adlaw. 13  Pero sugad hin usa nga bungol, diri ako mamamati;+Sugad hin usa nga ngula, diri ko ibubuka an akon baba.+ 14  Nagin sugad ako hin tawo nga diri nakakabati,Nga an baba waray ginyayakan ha pagdepensa. 15  Kay naghulat ako ha imo, O Jehova,+Ngan imo ako ginbaton, O Jehova nga akon Dios.+ 16  Kay nagsiring ako: “Diri unta hira malipay ha akon kapakyasan O ighambog an ira kalugaringon ha akon kon mahitalindas an akon tiil.” 17  Kay hapit na ako matumba,Ngan pirme ako naabat hin kaul-ol.+ 18  Iginsumat ko an akon sayop;+Nabaraka ako tungod han akon sala.+ 19  Pero an akon mga kaaway aktibo* ngan makusog,*Nagdamu an mga nangangalas ha akon nga waray hinungdan. 20  Ginbalosan nira hin maraot an akon maopay nga ginbuhat;Ginpinugngan nira ako ha padayon nga pagbuhat han maopay. 21  Ayaw ako pagpabay-i, O Jehova. O Dios, ayaw pagpabilin nga hirayo ha akon.+ 22  Pagdagmit ha pagbulig ha akon,O Jehova nga akon katalwasan.+

Mga footnote

O “basi magpahinumdom.”
Lit., “Waray maopay nga bahin ha akon unod.”
Lit., “An akon mga pig-i napuno hin kangutngot.”
O “nag-iinuwang ako.”
O “namimiling han akon kalag.”
Lit., “buhi.”
O posible nga “Pero damu an akon mga kaaway nga waray hinungdan.”