Mga Salmo 34:1-22

  • Gintatalwas ni Jehova an iya mga surugoon

    • “Dayawon naton an iya ngaran” (3)

    • Anghel ni Jehova nagpapanalipod (7)

    • “Tilawi ngan kitaa nga hi Jehova maopay” (8)

    • ‘Bisan usa han iya mga tul-an waray nabari’ (20)

Salmo ni David, han nagpakalurong-lurong hiya+ ha atubangan ni Abimelec, nga nagpaiwas ha iya, ngan binaya hiya. א [Aleph] 34  Dadayawon ko hi Jehova ha ngatanan nga panahon;Pirme hiya dadayawon han akon mga im-im. ב [Beth]   Ighahambog ko* hi Jehova;+An mga maaghop makakabati ngan magrarayhak. ג [Gimel]   Pasidunggi hi Jehova upod nakon;+Urosa nga dayawon naton an iya ngaran. ד [Daleth]   Nagpakiana ako kan Jehova, ngan binaton hiya ha akon.+ Iya ako gintalwas ha ngatanan ko nga nahahadlokan.+ ה [He]   An mga naglaom ha iya nagin malipayon;An ira mga nawong diri mahibubutang ha kaarawdan. ז [Zayin]   Ini nga ubos nga tawo nagtawag, ngan namati hi Jehova. Iya gintalwas hiya tikang ha ngatanan niya nga kasakitan.+ ח [Heth]   An anghel ni Jehova nagkakampo ha palibot han mga nahahadlok ha Iya,+Ngan iya gintatalwas hira.+ ט [Teth]   Tilawi ngan kitaa nga hi Jehova maopay;+Malipayon an tawo nga naayop ha iya. י [Yod]   Kahadluki hi Jehova, kamo ngatanan nga iya mga baraan,Kay an mga may kahadlok ha iya diri nakukulangan hin bisan ano.+ כ [Kaph] 10  Bisan an magkusog nga bata pa nga mga leon nagugutom,Pero an mga namimiling kan Jehova diri makukulangan hin bisan ano nga maopay.+ ל [Lamed] 11  Kadi, mga anak ko, pamati ha akon;Igtututdo ko ha iyo an kahadlok kan Jehova.+ מ [Mem] 12  Hin-o ha iyo an nalilipay ha kinabuhiNgan naruruyag makakita hin damu nga mag-opay nga adlaw?+ נ [Nun] 13  Kon sugad, bantayi an imo dila tikang ha maraot,+Ngan an imo mga im-im ha pagyakan hin limbong.+ ס [Samekh] 14  Bayai an maraot ngan buhata an maopay;+Pamilnga an kamurayawan ngan ipadayon ito.+ ע [Ayin] 15  An mga mata ni Jehova nagkikita ha magtadong,+Ngan an iya mga talinga namamati ha ira pangaraba para hin bulig.+ פ [Pe] 16  Pero an nawong ni Jehova nakontra ha mga nagbubuhat hin maraot,Basi paraon ha tuna an ngatanan nga hinumdoman ha ira.+ צ [Tsade] 17  Nangaraba an magtadong, ngan namati hi Jehova;+Iya gintalwas hira ha ngatanan nira nga kasakitan.+ ק [Qoph] 18  Hi Jehova hirani ha mga ruba an kasingkasing;+Iya gintatalwas an mga rumok an espiritu.*+ ר [Resh] 19  Damu an kakurian* han matadong,+Pero gintatalwas hiya ni Jehova tikang hito ngatanan.+ ש [Shin] 20  Iya ginbabantayan an ngatanan niya nga tul-an;Bisan usa hito waray nabari.+ ת [Taw] 21  Tungod han kadaot mamamatay an magraot;An mga nangangalas ha magtadong mapapamatud-an nga salaan. 22  Gintutubos ni Jehova an kinabuhi* han iya mga surugoon;Waray bisan usa han mga naayop ha iya an mapapamatud-an nga salaan.+

Mga footnote

O “han akon kalag.”
O “mga nanluluya.”
O “mga kasakitan.”
O “kalag.”