Mga Salmo 70:1-5

  • Naghangyo hin madagmit nga bulig

    • “Gios dayon para ha akon” (5)

Para ha direktor. Salmo ni David, sugad nga pahinumdom.* 70  O Dios, talwasa ako;O Jehova, pagdagmit ha pagbulig ha akon.+   Hinaot an mga nag-iikaparatay ha akon* Mahibutang ha kaarawdan ngan maalohan. Hinaot an mga nalilipay ha akon kasakitanUmatras nga naaalohan.   Hinaot an mga nasiring: “Hayukat! Hayukat!” Mapiritan nga bumaya nga naaalohan.   Pero an mga namimiling ha imo Malipay gud ngan magrayhak unta tungod ha imo.+ Hinaot an mga nahigugma ha imo mga pagtalwas pirme magsiring: “Pasidunggan unta an Dios!”   Pero ako waray mahihimo ngan pobre;+O Dios, gios dayon para ha akon.+ Ikaw an akon parabulig ngan akon paratalwas;+O Jehova, ayaw paglangan.+

Mga footnote

O “basi magpahinumdom.”
O “namimiling han akon kalag.”